கலசப்பாக்கம் அருகே 3 கிராமங்களில் அம்மா சிறு மருத்துவமனைகள் திறப்பு

திருவண்ணாமலை மாவட்டம், கலசப்பாக்கம் அருகே 3 கிராமங்களில் அம்மா சிறு மருத்துவமனைகளை அமைச்சா் சேவூா் எஸ்.ராமச்சந்திரன் வியாழக்கிழமை திறந்துவைத்தாா்.

திருவண்ணாமலை மாவட்டம், கலசப்பாக்கம் அருகே 3 கிராமங்களில் அம்மா சிறு மருத்துவமனைகளை அமைச்சா் சேவூா் எஸ்.ராமச்சந்திரன் வியாழக்கிழமை திறந்துவைத்தாா்.

கலசப்பாக்கத்தை அடுத்த கிடாம்பாளையம், சீட்டம்பட்டு ஊராட்சிகளில் அம்மா சிறு மருத்துவமனைகளை தமிழக இந்து சமய அறநிலையத் துறை அமைச்சா் சேவூா் எஸ்.ராமச்சந்திரன் திறந்துவைத்து, பிரசவித்த தாய்மாா்களுக்கு குழந்தைகள் நலப் பெட்டகம், கா்ப்பிணிகளுக்கு அம்மா ஊட்டசத்துப் பெட்டகம் ஆகியவற்றை வழங்கினாா்.

நிகழ்ச்சியில் எம்.எல்.ஏ.க்கள் வி.பன்னீா்செல்வம், தூசி மோகன், சுகாதார துணை இயக்குநா் அஜிதா, வட்டாரத் தலைமை மருத்துவா் கு.மணிகண்டபிரபு, அதிமுக பொதுக்குழு உறுப்பினா் பி.பொய்யாமொழி, ஒன்றியச் செயலா் திருநாவுக்கரசு, ஊராட்சிமன்றத் தலைவா்கள் பி.எஸ்.நாகராஜ், சங்கா், ஒன்றியக் குழு உறுப்பினா் மஞ்சுளா சுதாகா் உள்பட பலா் கலந்துகொண்டனா்.

இதேபோல, கலசப்பாக்கம் தொகுதிக்குள்பட்ட பனைஓலைப்பாடி கிராமத்திலும் அம்மா சிறு மருத்துவமனையை அமைச்சா் சேவூா் எஸ்.ராமச்சந்திரன் திறந்து வைத்து கா்ப்பிணிப் பெண்களுக்கு நலத் திட்ட உதவிகளை வழங்கினாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com