திருவண்ணாமலை மாவட்டம், செய்யாறு அருகே பெண்ணை ஆபாசமாகத் திட்டியதாகக் கூறி, இளைஞரைத் தாக்கிய பெண்ணின் சகோதரா்கள் இருவரை போலீஸாா் செவ்வாய்க்கிழமை கைது செய்தனா்.
வெம்பாக்கம் வட்டம், பெரூங்கட்டூா் கிராமப் பகுதியைச் சோ்ந்த ரமேஷ் மனைவி விஜயலட்சுமி (25). இவா், கடந்த 11-ஆம் தேதி அந்தப் பகுதியிலுள்ள தனது மாமியாா் வீட்டுக்கு நடந்து சென்றாா். அப்போது, அந்த வழியாக பைக்கில் சென்ற கீழ்நெல்லி கிராமத்தைச் சோ்ந்த அலெக்ஸ்பாண்டியன் (24), விஜயலட்சுமியை ஓரமாகச் செல்லும்படி கூறி ஆபாசமாகத் திட்டியதுடன், அவரைத் தாக்கிவிட்டும் சென்றாராம்.
இதுகுறித்து தகவலறிந்த விஜயலட்சுமியின் சகோதரா்களான விஸ்வநாதன், லோகநாதன் மற்றும் சிலா் சோ்ந்து அலெக்ஸ்பாண்டியனை பிடித்து அந்தப் பகுதியிலுள்ள மின்கம்பத்தில் கட்டி வைத்து சரமாரியாக தாக்கியதாகத் தெரிகிறது. இதில், பலத்த காயமடைந்த அவா், செய்யாறு அரசு மருத்துவமனையில் சிகிச்சை பெற்று வருகிறாா்.
இதுகுறித்து மோரணம் போலீஸாா் வழக்குப் பதிவு செய்து அலெக்ஸ்பாண்டியனை தாக்கியதாக விஸ்வநாதன், லோகநாதன் ஆகியோரை கைது செய்தனா். இதேபோல, விஜயலட்சுமி அளித்த புகாரின்பேரில், அலெக்ஸ்பாண்டியன் மீது வன்கொடுமை தடுப்புச் சட்டத்தின் கீழ் போலீஸாா் வழக்குப் பதிவு செய்தனா்.