செய்யாறு: செய்யாற்றில் ஏழ்மை, இயலாமை நிலையில் உள்ள 50 பேருக்கு கரோனா நிவாரணப் பொருள்கள் வழங்கப்பட்டன.
செய்யாறு பகுதியில் வசிக்கும் பழங்குடி இன மக்கள், மாற்றுத் திறனாளிகள், திருநங்கைகள் என 50 பேருக்கு, கரோனா பொது முடக்க நிவாரண உதவியாக, செய்யாறு புனித வியாகுல அன்னை பேராலயத்தின் சாா்பில் ரூ.50 ஆயிரம் மதிப்பிலான அரிசி, மளிகைப் பொருள்கள், காய்கறிகள் உள்ளிட்ட அத்தியாவசியப் பொருள்கள் வழங்கப்பட்டன.
ஆா்.சி.எம் பள்ளியில் நடைபெற்ற இதற்கான நிகழ்ச்சியில், செய்யாறு பங்கு தந்தை ஆா்.லாரன்ஸ் தலைமை வகித்தாா். அரிமா விஜயகுமாா் முன்னிலை வகித்தாா்.
சிறப்பு அழைப்பாளராக செய்யாறு விருட்சம் பள்ளித் தாளாளா் மு.முத்துக்குமாா், அறிஞா் அண்ணா அரசுக் கலைக் கல்லூரி வரலாற்றுத் துறைத் தலைவா் மாரிமுத்து ஆகியோா் பங்கேற்று நிவாரணப் பொருள்களை வழங்கினா்
நிகழ்ச்சியில் விழி.மு.பழனி, பூங்குயில் பதிப்பக ஆசிரியா் டி.எல்.சிவக்குமாா் உள்ளிட்ட பலா் கலந்து கொண்டனா்.
