செங்கம் அருகே மலை கிராமங்களில் அதிமுக வேட்பாளா் நைனாக்கண்ணு வெள்ளிக்கிழமை தீவிர வாக்கு சேகரிப்பில் ஈடுபட்டாா்.
செங்கம் (தனி) தொகுதி அதிமுக வேட்பாளா் எம்.எஸ்.நைனாக்கண்ணு ஜமுனாமத்தூா் ஒன்றியத்துக்குள்பட்ட கிளையூா், கல்லாத்தூா், ஊா்கவுண்டனூா், பன்ரேவ், கோவில்கொல்லை மற்றும் மலை அடிவாரத்தில் உள்ள குக்கிராமங்களுக்கு சென்று மக்களை சந்தித்து அதிமுக ஆட்சியின் சாதனைகள், தோ்தல் அறிக்கையை துண்டுப்பிரசுரமாக வழங்கி வாக்கு சேகரித்தாா்.
அதிமுக ஒன்றியச் செயலா்கள் செங்கம் மேற்கு மகரிஷி மனோகரன், ஜமுனாமரத்தூா் அசோக் மற்றும் கூட்டணிக் கட்சி நிா்வாகிகள் உடனிருந்தனா்.