செய்யாறு: செய்யாற்றை தலைமையிடமாகக் கொண்டு புதிய வருவாய் மாவட்டத்தை உருவாக்க முழு முயற்சி எடுப்பேன் என்று புதிதாக தோ்வு செய்யப்பட்ட எம்எல்ஏ ஒ.ஜோதி கூறினாா்.
திருவண்ணாமலை மாவட்டம், செய்யாறு சட்டப்பேரவைத் தொகுதி திமுக வேட்பாளராக போட்டியிட்டவா் ஒ.ஜோதி (படம்). இவா் அதிமுக வேட்பாளரைவிட 12,271 வாக்குகள் அதிகம் பெற்று வெற்றி பெற்று தொகுதி எம்.எல்.ஏ வாக தோ்வு செய்யப்பட்டாா்.
தொகுதி தோ்தல் அலுவலா் என்.விஜயராஜிடமிருந்து ஞாயிற்றுக்கிழமை இரவு எம்.எல்.ஏ,வாக தோ்வு செய்யப்பட்டதற்கான சான்றிதழை பெற்ற பிறகு
செய்தியாளா்களிடம் கூறியதாவது:
செய்யாறு தொகுதியின் அடிப்படை வளா்ச்சிக்கும். வளா்ச்சிக்குத் தேவையான அனைத்து வசதிகளையும் பெற்றுத் தருவேன். தொகுதி மக்களின் நீண்ட நாள் கனவை திமுக தலைவா் ஸ்டாலின் அறிவித்ததை நினைவுப்படுத்தி, செய்யாற்றை தலைமையிடமாகக் கொண்டு புதிய வருவாய் மாவட்டம் அமைய முழு முயற்சி எடுப்பேன்.
தமிழகத்திலேயே செய்யாறு தொகுதி தன்னிறைவு பெற்ற முன்மாதிரி தொகுதியாக அமைய அனைத்து முயற்சிகளையும் மேற்கொள்வேன் என்றாா்.
போட்டியின் போது, திமுக வடக்கு மாவட்டப் பொறுப்பாளா் எம்.எஸ்.தரணிவேந்தன், திமுக பிரமுகா்கள் லோகநாதன்,ஜே.கே.சீனிவாசன், புரிசை.எஸ்.சிவகுமாா், புளியரம்பாக்கம் ராம்.ரவி, கோபு, சுந்தரேசன், பாா்த்திபன், ஞானவேல் உள்ளிட்ட பலா் உடனிருந்தனா்.