திருவண்ணாமலை மாவட்டத்தில் 9 முதல் 12-ஆம் வகுப்பு வரையிலான மாணவா்கள் நலன் கருதி மாவட்டத்தில் இயங்கி வரும் 544 அரசு, தனியாா் பள்ளிகள் புதன்கிழமை திறக்கப்பட்டன.
மாவட்டத்தில் 9 முதல் 12-ம் வகுப்பு வரை 64,686 மாணவா்கள், 63,056 மாணவிகள் என 1,27,742 மாணவா்கள் படிக்கின்றனா்.
முதல் நாளான புதன்கிழமை 95 சதவீத மாணவ-மாணவிகள் ஆா்வமுடன் பள்ளிக்கு வந்ததாக கல்வித் துறை தெரிவித்துள்ளது.
ஆட்சியா் ஆய்வு:
திருவண்ணாமலை ஆணைக்கட்டி தெருவில் உள்ள அங்கன்வாடி மையம், நகராட்சி மகளிா் மேல்நிலைப் பள்ளி ஆகிய இடங்களில் கரோனா வழிகாட்டு நெறிமுறைகள் கடைப்பிடிக்கப்படுகிா என்பதை மாவட்ட ஆட்சியா் பா.முருகேஷ் நேரில் பாா்வையிட்டு ஆய்வு செய்தாா்.
ஆய்வின்போது, உதவி ஆட்சியா் (பயிற்சி) கட்டா ரவி தேஜா, மாவட்ட முதன்மைக் கல்வி அலுவலா் இரா.பூபதி, மாவட்ட ஒருங்கிணைந்த குழந்தைகள் வளா்ச்சித் திட்ட அலுவலா் கந்தன், கோட்டாட்சியா் வெற்றிவேல் ஆகியோா் உடனிருந்தனா்.
ஆரணி
ஆரணியில் உள்ள ஏ.சி.எஸ். குழும கல்லூரிகளான பொறியியல் கல்லூரி, பாலிடெக்னிக் கல்லூரி, கலைக் கல்லூரி மற்றும் அரசு மகளிா், ஆண்கள் மேல்நிலைப் பள்ளிகள், சுப்பிரமணிய சாஸ்திரியாா் மேல்நிலைப் பள்ளி உள்ளிட்ட பள்ளிகளில் கரோனா தடுப்பு நடவடிக்கைகள் கடைப்பிடிக்கப்படுகிா என கோட்டாட்சியா் கவிதா ஆய்வு செய்தாா்.
வட்டாட்சியா் செந்தில்குமாா், எஸ்பிசி பொறியியல் கல்லூரி முதல்வா் திருநாவுக்கரசு, எம்ஜிஆா் பாலிடெக்னிக் முதல்வா் ஸ்டாலின், எம்ஜிஆா் கலைக் கல்லூரி முதல்வா் சுகுமாா், அரசுப் பள்ளிகளின் தலைமையாசிரியா்கள் கருணாகரன், செல்வம் உள்ளிட்டோா் உடனிருந்தனா்.
போளூா்
போளூா் அரசு பெண்கள் மேல்நிலைப் பள்ளியில் தடுப்பூசி செலுத்திக் கொள்ளாத ஆசிரியா்கள் மற்றும் அலுவலகப் பணியாளா்களுக்கு கரோனா தடுப்பூசி செலுத்தப்பட்டது.
மருத்துவா் கலைச்செல்வி தலைமையிலான குழுவினா் தடுப்பூசி செலுத்தினா். தலைமை ஆசிரியை தாமரைச்செல்வி மற்றும் ஆசிரியா்கள் உடனிருந்தனா்.