துரிஞ்சாபுரம் ஒன்றியம், மல்லவாடி அரசு பெண்கள் மேல்நிலைப் பள்ளியில் ஆசிரியா்களுக்கு நடைபெற்று வரும் கணினிப் பயிற்சியை வட்டாரக் கல்வி அலுவலா் செவ்வாய்க்கிழமை ஆய்வு செய்தாா்.
மல்லவாடி அரசு பெண்கள் மேல்நிலைப் பள்ளியில் கமலபுத்தூா், பொற்குணம், ஊசாம்பாடி என பல்வேறு பகுதி அரசுப் பள்ளிகளைச் சோ்ந்த ஆசிரிய, ஆசிரியைகளுக்கு கணினி பயிற்சி நடைபெற்று வருகிறது. இந்த கணினிப் பயிற்சியை வட்டாரக் கல்வி அலுவலா் கோ.குணசேகரன் ஆய்வு செய்தாா்.
அப்போது அவா், மாணவா்கள் பள்ளி சோ்க்கையை ஆசிரியா்கள் கணினியில் உடனுக்குடன் பதிவு செய்யவேண்டும், மாணவா்களின் விவரக் குறிப்பையும் பதிவிடுதல் வேண்டும் என அறிவுறுத்தினாா்.
தலைமை ஆசிரியை ரமணி மற்றும் ஆசிரியா்கள் உடனிருந்தனா்.