தமிழகத்தில் 19 வயதுக்கு உள்பட்ட சிறாா்கள், 30 வயதுக்கு உள்பட்ட பெண்கள் என 2.93 கோடி பேருக்கு குடல்புழு நீக்க மாத்திரைகள் வழங்க ரூ.2.54 கோடி நிதி ஒதுக்கீடு செய்யப்பட்டுள்ளதாக மாநில மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா்.
தேசிய குடல்புழு நீக்க வாரத்தையொட்டி, திருவண்ணாமலை நகராட்சி மகளிா் மேல்நிலைப் பள்ளியில் மாணவிகளுக்கு குடல்புழு நீக்க மாத்திரைகள் வழங்கும் நிகழ்ச்சி மாவட்ட ஆட்சியா் பா.முருகேஷ் தலைமையில் திங்கள்கிழமை நடைபெற்றது.
மக்கள் நல்வாழ்வுத் துறை அமைச்சா் மா.சுப்பிரமணியன், பொதுப் பணித் துறை அமைச்சா் எ.வ.வேலு ஆகியோா் மாணவிகளுக்கு குடல்புழு நீக்க மாத்திரைகளை வழங்கினா்.
நிகழ்ச்சியில் அமைச்சா் மா.சுப்பிரமணியன் பேசியதாவது:
பள்ளி மாணவ, மாணவிகள் நலன் கருதி, நாட்டிலேயே முதல் முறையாக குடல்புழு நீக்க மாத்திரைகள் மு.கருணாநிதி முதல்வராக இருந்தபோது 2007-08ஆம் ஆண்டில் சென்னை மாநகராட்சிக்கு உள்பட்ட பள்ளிகளில் பயின்ற 1,34,000 மாணவா்கள், தனியாா், அரசு நிகழ்வுகளில் பங்கேற்ற மாணவா்கள் என மொத்தம் 6 லட்சம் மாணவ, மாணவிகளுக்கு வழங்கப்பட்டன.
மாநில அளவில் இந்தத் திட்டம் விரிவுபடுத்தப்பட்டு தற்போது தேசிய அளவில் குடல்புழு நீக்க வாரமாக நடைமுறைப்படுத்தப்பட்டு உள்ளது.
2.93 கோடி பேருக்கு: தமிழகம் முழுவதும் ஒரு வயது முதல் 19 வயதுடைய 2.39 கோடி சிறாா்கள், 20 முதல் 30 வயதுடைய 54,67,069 பெண்கள் என மொத்தம் 2.93 கோடி பேருக்கு இந்த மாத்திரைகள் வழங்கப்படுகின்றன. இதற்காக 2.54 கோடி நிதி ஒதுக்கீடு செய்யப்பட்டுள்ளது.
திருவண்ணாமலை மாவட்டத்தில் மொத்தம் 9,50,257 பேருக்கு குடல்புழு நீக்க மாத்திரைகள் வழங்கப்படுகின்றன. மாவட்டத்தில் தற்போது 11,39,290 மாத்திரைகள் இருப்பில் உள்ளன என்றாா்.
முன்னதாக, நிகழ்ச்சிக்கு பொது சுகாதாரம், நோய் தடுப்புத் துறை இயக்குநா் டி.எஸ்.செல்வவிநாயகம், திருவண்ணாமலை மக்களவைத் தொகுதி உறுப்பினா் சி.என்.அண்ணாதுரை ஆகியோா் முன்னிலை வகித்தனா்.
எம்எல்ஏக்கள் எஸ்.அம்பேத்குமாா் (வந்தவாசி), பெ.சு.தி.சரவணன் (கலசப்பாக்கம்), ஓ.ஜோதி (செய்யாறு), சுகாதாரப் பணிகள் துணை இயக்குநா் ஆா்.செல்வக்குமாா், மாவட்ட ஊராட்சிக் குழுத் தலைவா் பாா்வதி சீனிவாசன், திருவண்ணாமலை நகா்மன்றத் தலைவா் நிா்மலா, மாநில தடகள சங்க துணைத் தலைவா் எ.வ.வே.கம்பன் உள்பட பலா் கலந்து கொண்டனா்.