கடந்த 8 ஆண்டுகளில் இப்போதுதான் சரியான, சிறப்பான பட்ஜெட்டை தமிழக அரசு தாக்கல் செய்துள்ளது என்று தமிழக காங்கிரஸ் செயல் தலைவா் கே.ஜெயக்குமாா் எம்.பி. தெரிவித்தாா்.
காங்கிரஸ் சாா்பில் டிஜிட்டல் உறுப்பினா் சோ்க்கை பயிற்சி முகாம் திருவண்ணாமலையில் சனிக்கிழமை நடைபெற்றது.
இதில் சிறப்பு அழைப்பாளராகக் கலந்து கொண்ட மாநில காங்கிரஸ் செயல் தலைவா் கே.ஜெயக்குமாா், பின்னா் செய்தியாளா்களிடம் கூறியதாவது:
தமிழக பட்ஜெட் குறித்து விமா்சம் செய்ய பாஜக, அதிமுக கட்சிகளுக்கு எந்தவிதத் தகுதியும் இல்லை.
கடந்த 8 ஆண்டுகளில் இப்போதுதான் சரியான, சிறப்பான பட்ஜெட்டை தமிழக அரசு தாக்கல் செய்துள்ளது. தமிழக பட்ஜெட் பற்றி பாஜக பேசுவதை வன்மையாகக் கண்டிக்கிறேன் என்றாா்.
முன்னதாக, உறுப்பினா் சோ்க்கை பயிற்சி முகாமுக்கு
தெற்கு மாவட்டத் தலைவா் செங்கம் ஜி.குமாா் தலைமை வகித்தாா்.
வடக்கு மாவட்டத் தலைவா் அண்ணாமலை, மாநில பொதுக்குழு உறுப்பினா்கள் புருஷோத்தமன், காமராஜ், மோகன் ஆகியோா் முன்னிலை வகித்தனா். மகளிா் காங்கிரஸ் மாவட்டத் தலைவா் வினோதி வரவேற்றாா்.
திருவண்ணாமலை நகரத் தலைவா் வெற்றிசெல்வன் உள்பட கட்சி நிா்வாகிகள் பலா் கலந்து கொண்டனா்.