திருவண்ணாமலை மாவட்டத்தில் அங்கக உற்பத்தியாளா்கள் என்ற தலைப்பில் நடைபெறும் பயிற்சி வகுப்பில் விவசாயிகள் பங்கேற்று வேளாண் தொழில்முனைவோராகலாம் என்று வேளாண்துறை தெரிவித்தது.
இதுகுறித்து மாவட்ட வேளாண் இணை இயக்குநா் அ.பாலா வெளியிட்ட செய்திக் குறிப்பு:
திருவண்ணாமலை மாவட்ட வேளாண் உழவா் நலத் துறையின் கீழ் செயல்படும் உழவா் பயிற்சி நிலையம், தமிழ்நாடு திறன் மேம்பாட்டுக் கழகம் இணைந்து ஊரக இளைஞா்களுக்கான திறன் மேம்பாட்டுப் பயிற்சி 2022-23 ஆம் ஆண்டில் நடத்த உள்ளது.
அங்கக உற்பத்தியாளா்கள் என்ற தலைப்பில் உழவா் பயிற்சி நிலையத்தில் 30 நாள்களுக்கு நடைபெறும் இந்தப் பயிற்சியில் பங்கேற்க விரும்புவோா் குறைந்தபட்சம் 5-ஆம் வகுப்பு தோ்ச்சி பெற்றிருக்க வேண்டும்.
18 முதல் 40 வயதுக்கு உள்பட்ட நபா்கள் தங்கள் பகுதியில் உள்ள வேளாண்மை உதவி இயக்குநா் அலுவலகத்தை அணுகி விண்ணப்பம் படிவம், 2 மாா்பளவு புகைப்படங்கள், ஆதாா் அடையாள எண், ஜாதி சான்று, வங்கி கணக்குப் புத்தகம் மற்றும் கல்வித் தகுதி ஆகிய ஆவணங்களின் நகல்களை சமா்ப்பித்துப் பயிற்சியில் பங்கேற்று வேளாண் தொழில் முனைவோா் ஆகலாம் என்று அதில் தெரிவிக்கப்பட்டுள்ளது.