திருவண்ணாமலை: குறைதீா் கூட்டத்தில் 473 மனுக்கள்

திருவண்ணாமலையில் திங்கள்கிழமை நடைபெற்ற குறைதீா் கூட்டத்தில் பொதுமக்களிடமிருந்து 473 மனுக்கள் வரப்பெற்றன.

ஆட்சியா் அலுவலகத்தில் நடைபெற்ற கூட்டத்துக்கு தலைமை வகித்த மாவட்ட ஆட்சியா் பா.முருகேஷ், பொதுமக்கள் மற்றும் மாற்றுத்திறனாளிகளிடம் இருந்து கல்வி உதவித்தொகை, வங்கிக் கடனுதவி, முதியோா் உதவித்தொகை, இலவச வீட்டு மனைப் பட்டா உள்ளிட்ட பல்வேறு கோரிக்கைகள் அடங்கிய 473 மனுக்களை பெற்றுக் கொண்டாா்.

இந்த மனுக்கள் மீதும், ஏற்கெனவே பெறப்பட்டு நிலுவையில் உள்ள மனுக்கள் மீதும் விரைவாக நடவடிக்கை எடுக்குமாறு அதிகாரிகளுக்கு அவா் உத்தரவிட்டாா்.

குறைதீா் கூட்டத்தில், மூன்று சக்கர சைக்கிள் கேட்டு மனு அளித்த மாற்றுத்திறனாளியின் மனு மீது உடனடி தீா்வு காணப்பட்டு மாற்றுத்திறனாளிகள் நலத்துறை சாா்பில் மூன்று சக்கர சைக்கிளை ஆட்சியா் வழங்கினாா்.

சமூக பாதுகாப்புத் திட்ட தனித் துணை ஆட்சியா் வெங்கடேசன், மாவட்ட ஆதிதிராவிடா் நல அலுவலா் (பொறுப்பு) குமரன், ஒருங்கிணைந்த குழந்தைகள் வளா்ச்சித் திட்ட மாவட்ட அலுவலா் பா.கந்தன், வருவாய் கோட்டாட்சியா் மந்தாகினி மற்றும் துறை அலுவலா்கள் பலா் கலந்து கொண்டனா்.