மாற்றுத்திறனாளிகள் வாக்களிக்க இரு சக்கர நாற்காலிகள்

திருவண்ணாமலை மாவட்ட வாக்குச் சாவடிகளில் மாற்றுத்திறனாளிகள் வாக்களிக்க ஏதுவாக, 1,314 இரு சக்கர நாற்காலிகள் தயாா் நிலையில் வைக்கப்பட்டுள்ளன.

மக்களவைத் தோ்தலுக்காக, திருவண்ணாமலை மாவட்டத்தில் மொத்தம் 1,314 வாக்குப்பதிவு மையங்கள் அமைக்கப்பட்டு உள்ளன. இந்த மையங்களில் வாக்களிக்க வரும் மாற்றுத்திறனாளிகளின் பயன்பாட்டுக்காக ஒரு மையத்துக்கு தலா ஒரு இரு சக்கர நாற்காலி என மொத்தம் 1,314 இரு சக்கர நாற்காலிகள் கொள்முதல் செய்யப்பட்டு உள்ளன.

இந்த இரு சக்கர நாற்காலிகள் மாவட்ட ஆட்சியா் அலுவலகத்தில் இருந்து புதன்கிழமை மாவட்டத்தின் 8 சட்டப்பேரவைத் தொகுதிகளுக்கும் அனுப்பி வைக்கப்பட்டன.

வாக்குப்பதிவுக்கு முந்தைய நாள் வாக்குப்பதிவு இயந்திரங்களுடன் இந்த இரு சக்கர நாற்காலிகளும் வாக்குச்சாவடி மையங்களுக்கு அனுப்பி வைக்கப்படும்.

Related Stories

No stories found.
X
Dinamani
www.dinamani.com