குடும்ப தகராறு: மைத்துனரை கத்தியால் குத்திய மாமன் கைது

திருவண்ணாமலை மாவட்டம், செங்கத்தில் குடும்பத் தகராறில் மைத்துனரை கத்தியால் குத்தியதாக மாமன் கைது செய்யப்பட்டாா்.

செங்கம் தளவாநாய்க்கன்பேட்டை பகுதியைச் சோ்ந்தவா் கூலித் தொழிலாளி விநோத் (40). இவரது மனைவி ஐஸ்வா்யா(35). இவா்கள் இருவருக்கும் அடிக்கடி குடும்பத் தகராறு ஏற்படுவது வழங்கமாக இருந்து வந்துள்ளது.

இந்த நிலையில், வெள்ளிக்கிழமை இரவு 11 மணியளவில் தம்பதியிடையே மீண்டும் தகராறு ஏற்பட்டுள்ளது. அப்போது, அதே பகுதியில் வசிக்கும் ஐஸ்வா்யாவின் தம்பி சரவணன் வந்து, எனது அக்காளை எதற்கு அடிக்கடி தகராறு செய்து அடிக்கிறாய் என தட்டிக்கேட்டுள்ளாா்.

அப்போது, மாமன் மைத்துனா் இடையே தகராறு ஏற்பட்டு, ஆத்திரமடைந்த மாமன் வினோத், சரவணனை கத்தியால் குத்தியதாகத் தெரிகிறது. இதில், பலத்த காயமடைந்த சரவணனை அருகில் இருந்தவா்கள் மீட்டு 108 ஆம்புலன்ஸ் மூலம் செங்கம் அரசு மருத்துவமனையில் சிகிச்சைக்காக சோ்த்தனா்.

பின்னா், அவா் தீவிர சிகிச்சைக்காக திருவண்ணாமலை அரசு மருத்துவக் கல்லூரி மருத்துவமனையில் அனுமதிக்கப்பட்டாா்.

இதுகுறித்து செங்கம் போலீஸாா் வழக்குப் பதிந்து வினோத்தை கைது செய்தனா்.