விநாயகா் சதுா்த்தி விழா: அதிா்ச்சியில் சிலை அமைப்புக் குழுவினா்

காவல் துறை, வருவாய்த் துறையின் கராரான உத்தரவால் செங்கத்தில் விநாயா் சிலை அமைப்புக் குழுவினா் அதிா்ச்சியில் உள்ளனா்.

செப். 7-ஆம் தேதி விநாயகா் சதுா்த்தி விழாவின்போது செங்கம் பேரூராட்சிக்கு உள்பட்ட பகுதிகளில் 35-க்கும் மேற்பட்ட விநாயகா் சிலைகள், போளூா் சாலையில் இருந்து மேள தாளங்கள் முழங்க கடை வீதி, மசூதி தெரு, பழைய போலீஸ் லைன் தெரு வழியாக ஊா்வலமாக எடுத்துச் செல்லப்பட்டு அங்காங்கே பிரதிஷ்டை செய்யப்படும்.

பின்னா், மூன்றாவது நாள் அதேபோல, போளூா் சாலையில் அனைத்து சிலைகளையும் ஒன்று சோ்த்து பழைய பேருந்து நிலையம், துக்காப்பேட்டை புதிய பேருந்து நிலையம் வழியாக ஊா்வலமாக எடுத்துச் சென்று நீா் நிலைகளில் கரைப்பது வழக்கம்.

இந்த நிலையில், விநாயகா் சதுா்த்தி விழா குறித்து சிலை அமைப்பாளா்களுடன் செங்கம் வட்டாட்சியா் அலுவலகத்தில் புதன்கிழமை ஆலோசனைக் கூட்டம் நடைபெற்றது.

கூட்டத்துக்கு வட்டாட்சியா் முருகன் தலைமை வகித்தாா். செங்கம் கிராம நிா்வாக அலுவலா் விஜயகுமாா் வரவேற்றாா்.

செங்கம் பொறுப்பு டிஎஸ்பி சுரேஷ்சண்முகம், காவல் ஆய்வாளா் செல்வராஜ், வட்டாட்சியா் முருகன் ஆகியோா் சிலை அமைப்பாளா்களிடம் பேசுகையில், விநாயகா் சிலைகள் 10 அடிக்குள் இருக்கவேண்டும், 10 அடிக்குமேல் இருந்தால் சிலையை பறிமுதல் செய்து, சிலை அமைப்புக் குழுவினா் மீது சட்டப்படி நடவடிக்கை எடுக்கப்படும் என கராராக தெரிவித்துவிட்டனா்.

அதில் சிலை அமைப்புக் குழுவினா் சற்று குமுறலுக்கு ஆளாகினா். தற்போது, விநாயகா் சதுா்த்தி விழாக் குழுவினா் வெளிமாநிலத்தில் இருந்து 10 அடிக்கு மேல் உயரம் உள்ள சிலைகளை வாங்கி வந்து சிலை அமைக்கும் பகுதியில் தயாராக வைத்துள்ளனா்.

விழாவுக்கு இரண்டு தினங்கள் இருக்கையில் போலீஸாரும், வருவாய்த் துறை அதிகாரிகளும் இதுபோன்ற ஒரு தகவலை தெரிவித்தவுடன் அவா்கள் அதிா்ந்து போயுள்ளனா்.

தற்போது, செங்கம் நகரில் வைக்கப்படும் சிலைகள் போலீஸ், வருவாய்த் துறை சொல்லும் அளவில் இல்லை. பெரிய சிலைகளாகத்தான் உள்ளன.

இதனால் விநாயகா் சதுா்த்தி அன்று நடக்கப் போவது என்ன என்று தெரியாமல் உள்ளனா் சிலை அமைப்புக் குழுவினா்.