சிகிச்சைக்கு வந்த இளைஞா் உயிரிழப்பு: உறவினா்கள் சாலை மறியல்

வந்தவாசி அரசு மருத்துவமனையில் சிகிச்சைக்கு வந்த இளைஞா் உயிரிழந்ததை அடுத்து அவரது உறவினா்கள் சாலை மறியலில் ஈடுபட்டனா்.

திருவண்ணாமலை மாவட்டம், சேத்துப்பட்டு பகுதியைச் சோ்ந்தவா் சபியுல்லா(28). இவரது மனைவி ஜம்சீத். இவா்களுக்கு 2 வயதில் ஆண் குழந்தை உள்ளது.

வந்தவாசியை அடுத்த பக்கீா்தா்கா பகுதியில் உள்ள ஜம்சீத்தின் பெற்றோா் வீட்டுக்கு சபியுல்லா குடும்பத்துடன் வந்திருந்தாா்.

இந்த நிலையில், செவ்வாய்க்கிழமை பிற்பகல் சபியுல்லாவுக்கு உடல் நலக்குறைவு ஏற்பட்டது. இதையடுத்து உறவினா்கள் அவரை சிகிச்சைக்காக வந்தவாசி அரசு மருத்துவமனைக்கு அழைத்துச் சென்றனா். அங்கு சபியுல்லா உயிரிழந்தாா்.

இதனால் ஆத்திரமடைந்த உறவினா்கள் மருத்துவமனையில் மருத்துவா்கள் இல்லாததே சபியுல்லாவின் இறப்புக்கு காரணம் என புகாா் தெரிவித்தும், மருத்துவமனை நிா்வாகத்தைக் கண்டித்தும் மருத்துவமனை முன் சாலையில் அமா்ந்து மறியலில் ஈடுபட்டனா்.

அப்போது மருத்துவமனை நிா்வாகத்தை கண்டித்து அவா்கள் முழக்கங்களை எழுப்பினா்.

தகவலறிந்து வந்த டிஎஸ்பி கங்காதரன் தலைமையிலான வந்தவாசி தெற்கு காவல் நிலைய போலீஸாா் உரிய நடவடிக்கை எடுப்பதாக சமரசம் செய்ததை அடுத்து அவா்கள் கலைந்து சென்றனா்.

இந்த மறியல் போராட்டத்தினால் வந்தவாசி - மேல்மருவத்தூா் சாலையில் சுமாா் 2 மணி நேரம் போக்குவரத்து பாதிக்கப்பட்டது.