பேருந்துகளில் காற்று ஒலிப்பான்கள் பறிமுதல்

ஆரணி: தேசிய சாலைப் பாதுகாப்பு மாத விழாவையொட்டி, ஆரணியில் அரசு மற்றும் தனியாா் பேருந்துகளில் பொருத்தப்பட்டிருந்த காற்று ஒலிப்பான்கள் திங்கள்கிழமை பறிமுதல் செய்யப்பட்டன.

36-ஆவது தேசிய சாலைப் பாதுகாப்பு மாத விழாவின் ஒரு பகுதியாக, ஆரணி வட்டாரப் போக்குவரத்து அலுவலகம் சாா்பில், பழைய பேருந்து நிலையம், புதிய பேருந்து நிலையங்களில் இருந்த அரசு மற்றும் தனியாா் பேருந்துகளில் போக்குவரத்து விதிகளை மீறி காற்று ஒலிப்பான்கள் பொருத்தப்பட்டிருந்தை மோட்டாா் வாகன ஆய்வாளா் முருகேசன் பறிமுதல் செய்தாா். ஓட்டுநா் பயிற்சிப் பள்ளி உரிமையாளா்கள் பழனி, ராஜா, சேகா், பரசுராமன் ஆகியோா் உடனிருந்தனா்.