சுடச்சுட

    

    போலி பட்டா தயாரித்து ரூ. 4.75 லட்சம் மோசடி: நகராட்சி கவுன்சிலர் கைது

    By DIN  |   Published on : 13th October 2016 12:49 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    குடியாத்தத்தில் போலி பட்டா தயாரித்து ரூ. 4.75 லட்சம் மோசடி செய்ததாக அதிமுகவைச் சேர்ந்த நகர்மன்ற உறுப்பினர் செவ்வாய்க்கிழமை கைது செய்யப்பட்டார்.
    குடியாத்தம் அசோக் நகரைச் சேர்ந்தவர் கே.ஆர்.கம்பன் (எ) ஸ்டேன்லி (35). அதிமுகவைச் சேர்ந்த இவர் 15-வது வார்டு நகர்மன்ற உறுப்பினராக உள்ளார். கே.வி. குப்பத்தைச் சேர்ந்தவர் கிறிஸ்தவ பாதிரியார் மரியதாஸ் (43).
     கடந்த ஆண்டு குடியாத்தம் காந்தி நகரில் உள்ள தனியார் பாலிடெக்னிக் கல்லூரி அருகில் உள்ள நிலத்தில் அரசு பட்டா வழங்க உள்ளதாகவும், தனக்கு அதிகாரிகள் தெரியும் என்பதால் பணம் கொடுத்தால் பட்டா வாங்கித் தருவதாகவும் மரியதாஸிடம் ஸ்டேன்லி கூறியதாகத் தெரிகிறது.
     இதையடுத்து ஸ்டேன்லி, சில தவணைகளில் மரியதாஸிடம் இருந்து ரூ. 4.75 லட்சம் பெற்றதாகக் கூறப்
    படுகிறது. அவருக்கு போலியாக ஒரு பட்டாவை ஸ்டேன்லி தயாரித்து தந்ததாகத் தெரிகிறது.
    இதையடுத்து பட்டாவை அதிகாரிகளிடம் மரியதாஸ் காட்டியபோது அது போலி எனத் தெரியவந்தது. இதைத் தொடர்ந்து, தான் ஏமாற்றப்பட்டது குறித்து நகர காவல் நிலையத்தில் மரியதாஸ் செவ்வாய்க்கிழமை புகார் அளித்தார்.
     புகாரின் பேரில், வழக்குப் பதிந்து விசாரணை மேற்கொண்ட காவல் ஆய்வாளர் ஜி.மதியரசன், ஸ்டேன்லியை கைது செய்தார்.
    அவரிடமிருந்து, போலியான வட்டாட்சியர் முத்திரை, மண்டலத் துணை வட்டாட்சியர் முத்திரை, அரசு கோபுர சின்ன முத்திரை ஆகியவற்றை போலீஸார் பறிமுதல்
    செய்தனர்.

    Thirumana Porutham
    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai