மழை பாதிப்பு: அவசரகால உதவி எண்ணுக்கு தொடர்பு கொள்ளலாம்

திருப்பத்தூர் உள்கோட்டத்துக்கு உள்பட்ட பகுதிகளில் மழையால் பாதிப்பு ஏற்பட்டால் அவசரகால உதவி எண்ணுக்கு தொடர்பு கொள்ளலாம் என சார் ஆட்சியர் கார்த்திகேயன் தெரிவித்துள்ளார்.
இதுதொடர்பாக அவர் வெளியிட்ட செய்திக் குறிப்பு:
வேலூர் மாவட்டம், திருப்பத்தூர் கோட்டத்துக்கு உள்பட்ட பகுதிகளில் பரவலாக பெய்து வரும் மழை காரணமாக பாலாறு, ஜலகாம்பாறை மற்றும் கானாறுகள் உள்ளிட்ட நீர்வீழ்ச்சிகளில் நீர்வரத்து அதிகரித்துள்ளது. சில இடங்களில் வெள்ளப் பெருக்கு ஏற்பட வாய்ப்புள்ளது. 
மேலும், மின் கம்பங்கள், கம்பிகளில் ஏதேனும் சேதம் ஏற்பட்டிருந்தாலும், நீர்நிலைகளின் ஓரத்தில் வசிக்கும் மக்கள் மழையால் பாதிக்கப்பட்டாலும் அதுதொடர்பாக உடனடியாக தகவல் தெரிவிக்க 1077 என்ற மாவட்ட உதவி எண் (அ) 1070 என்ற மாநில எண்ணை அழைக்கலாம்.
இதுதவிர திருப்பத்தூர்: 04179-220091, வாணியம்பாடி: 04174-232184, ஆம்பூர்: 04174-244255, நாட்டறம்பள்ளி: 04179-242499 ஆகிய வட்டார எண்களுக்கும் தொடர்பு கொண்டு தகவல் தெரிவிக்கலாம்.