Enable Javscript for better performance
குடியாத்தம் கல்வி மாவட்டம் ஏற்படுத்த தொழிற்கல்வி ஆசிரியா்கள் கோரிக்கை- Dinamani

சுடச்சுட

    

    குடியாத்தம் கல்வி மாவட்டம் ஏற்படுத்த தொழிற்கல்வி ஆசிரியா்கள் கோரிக்கை

    By DIN  |   Published on : 03rd December 2019 12:47 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    வேலூா்: குடியாத்தம் கல்வி மாவட்டம் ஏற்படுத்த தமிழ்நாடு மேல்நிலைப் பள்ளி தொழிற்கல்வி ஆசிரியா்கள் கழகம் கோரிக்கை விடுத்துள்ளது.

    அந்த அமைப்பின் வேலூா் மாவட்ட வழக்கு குழுக் கூட்டம் வேலூரில் திங்கள்கிழமை நடைபெற்றது. மாநில அமைப்புச் செயலரும், வழக்குக் குழுத் தலைவருமான சோ.சம்பத் தலைமை வகித்தாா். மாவட்டப் பொருளாளா் எம்.பாண்டுரங்கன் வரவேற்றாா். மாநிலப் பொதுச் செயலா் செ.நா.ஜனாா்த்தனன் சிறப்புரையாற்றினாா்.

    கூட்டத்தில் நிறைவேற்றப்பட்ட தீா்மானங்கள்:

    சென்னை உயா் நீதிமன்றத் தீா்ப்பை ஏற்று விடுபட்டுள்ள தொழிற்கல்வி ஆசிரியா்கள் தொகுப்பூதிய பணிக் காலத்தில் 50 சதவீதத்தைக் கணக்கிட்டு ஓய்வு ஊதியம் வழங்க வேண்டும். சம வேலைக்கு சம ஊதியம் என்ற உச்ச நீதிமன்றத் தீா்ப்பின் அடிப்படையில் மேல்நிலைப் பிரிவில் பணியாற்றும் தொழிற்கல்வி ஆசிரியா்கள் அனைவருக்கும் முதுகலை ஆசிரியா்களுக்கு இணையான ஊதியம் வழங்க வேண்டும்.

    வேலூா் மாவட்டம் வேலூா், திருப்பத்தூா், ராணிப்பேட்டை என மூன்று மாவட்டங்களாகப் பிரிக்கப்பட்டிருப்பதும், காட்பாடி வட்டத்தில் உள்ள கே.வி.குப்பத்தை தலைமையிடமாகக் கொண்டு புதிய வட்டம் ஏற்படுத்தப்பட்டதும் வரவேற்கத்தக்கது.

    பிரிக்கப்படாத வேலூா் மாவட்டத்தில் 5 கல்வி மாவட்டங்கள் இருந்தன. ஆனால் பிரிக்கப்பட்ட வேலூா் மாவட்டத்தில் ஒரேஒரு கல்வி மாவட்டம் மட்டுமே உள்ளது. மேலும் வருவாய்த் துறையில் குடியாத்தம் நகரைத் தலைமையிடமாகக் கொண்டு புதிய வருவாய்க் கோட்டம் ஏற்படுத்தியுள்ளதைப் போல் மாணவா் வசதியை கருத்தில் கொண்டு குடியாத்தம் நகரைத் தலைமையிடமாகக் கொண்டு புதிய கல்வி மாவட்டம் ஏற்படுத்த வேண்டும்.

    மேலும், காட்பாடி வட்டத்தில் உள்ள பொன்னை, வள்ளிமலை போன்ற பகுதிகள் ராணிப்பேட்டை கல்வி மாவட்டத்தில் உள்ளன. இப்பள்ளிகளை வேலூா் கல்வி மாவட்டத்திலும் இணைக்கவும், வாணியம்பாடி கல்வி மாவட்டத்தில் உள்ள குடியாத்தம், போ்ணாம்பட்டு, கே.வி.குப்பம் வட்ட பள்ளிகளை குடியாத்தம் கல்வி மாவட்டத்திலும் இணைக்க வேண்டும் என தீா்மானங்கள் நிறைவேற்றப்பட்டன.

    நிா்வாகிகள் எம்.சேகா், எஸ்.சச்சிதானந்தம், ஜெ.சந்தானகிருஷ்ணன் உள்ளிட்டோா் பங்கேற்றனா். தணிக்கையாளா் சச்சிதானந்தம் நன்றி கூறினாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai