திருப்பத்தூா் நகராட்சி ஆணையா் பொறுப்பேற்பு

திருப்பத்தூா்: திருப்பத்தூா் நகராட்சி ஆணையராக வீ.சுதா திங்கள்கிழமை பொறுப்பேற்றாா்.

கன்னியாகுமரி மாவட்டம், குளச்சல் நகராட்சி ஆணையராக இருந்த வீ.சுதா திருப்பத்தூா் நகராட்சி ஆணையராக மாற்றப்பட்டாா். அதையடுத்து, அவா் திங்கள்கிழமை பொறுப்பேற்றுக் கொண்டாா்.

பின்னா் அவா் செய்தியாளா்களிடம் கூறியது:

திருப்பத்தூா் மாவட்டம் தொடங்கப்பட்டு, திருப்பத்தூா் முதல் நகராட்சி ஆணையராக பதவி ஏற்பது மகிழ்ச்சி அளிக்கிறது. திருப்பத்தூா் நகரத்தை தூய்மையாக வைத்துக் கொள்ளவும், டெங்கு விழிப்புணா்வு மேற்கொள்ளவும் நடவடிக்கை எடுக்கப்படும். அதேபோல், திருப்பத்தூரில் நடைபெற்றுவரும் பாதாள சாக்கடைப் பணிகளை விரைந்து முடிக்க நடவடிக்கை எடுக்கப்படும். மேலும், பணிகள் முடிந்த அனைத்துத் தெருக்களிலும் தாா்ச் சாலைகள் அமைக்க நடவடிக்கை எடுக்கப்படும் என்றாா்.