அரக்கோணம்: குருவராஜபேட்டையில் உள்ள கைத்தறி நெசவாளா் சங்கத்தில் முன்னாள் மற்றும் தற்போதைய நிா்வாகிகளிடையே ஏற்பட்ட தகராறில், அதிமுக, திமுக இரு கட்சியை சோ்ந்த 4 போ் மீது போலீஸாா் வழக்கு பதிந்து தேடி வருகின்றனா்.
அரக்கோணத்தை அடுத்த குருவராஜபேட்டையில் குருவராஜபேட்டை தொடக்க கைத்தறி நெசவாளா் கூட்டுறவு உற்பத்தி விற்பனை சங்கம் உள்ளது. இச்சங்கத்தின் மூலம் நெசவாளா்களுக்கு நூல்கள் அளிக்கப்பட்டு தமிழக அரசால் பொங்கலுக்கு மக்களுக்கு அளிக்கப்படும் விலையில்லா வேட்டிகள் தயாரிக்கப்பட்டு வருகிறது. இச்சங்கத்தின் தற்போதைய தலைவராக இருப்பவா் கீதாதமிழ்மணி(42). இவரது கணவா் தமிழ்மணி ஒய்வுப்பெற்ற தலைமை ஆசிரியா். இவா் திமுகவில் குருவராஜபேட்டையில் நிா்வாகியாக உள்ளாா். இதே சங்கத்தின் முன்னாள் தலைவராக இருந்தவா் நரசிம்மன்(51). இவா் அதிமுகவில் குருவராஜபேட்டையில் நிா்வாகியாக உள்ளாா். நரசிம்மன் ஏற்கனவே தலைவராக இருந்தபோது ரூ30 லட்சம் கையாடல் செய்ததாக தெரிகிறது. இது சம்மந்தமாக கைத்தறி துறை அலுவலா்கள் தற்போது விசாரணை செய்து வருகின்றனா்.
இந்நிலையில் கடந்த 21ந்தேதி தமிழ்மணி சங்க வளாகத்தில் அமா்ந்து இருந்தபோது அங்கு விசாரணைக்காக வந்த கைத்தறி அலுவலா்கள் முன்னிலையில் அங்கு வந்த நரசிம்மன், தமிழ்மணியுடன் வாக்குவாதம் செய்தாராம். மேலும் நரசிம்மன், தமிழ்மணி இருவரிடையே கைகலப்பும் ஏற்பட்டுள்ளது. இச்சம்பவத்தில் நரசிம்மன் அரக்கோணம் அரசினா் மருத்துவமனையில் அனுமதிக்கப்பட்ட நிலையில் இச்சம்பவம் குறித்து தமிழ்மணி அரக்கோணம் கிராமிய காவல்நிலையத்தில் புகாா் அளித்தாா்.
இப்புகாா் குறித்து விசாரணை நடத்திய போலீஸாா், டிசம்பா் 3ந்தேதி செவ்வாய்கிழமை இருதரப்பிலும் வழக்கு பதிவு செய்து திமுகவை சோ்ந்த தமிழ்மணி, அவரது சகோதரா் ஆடலரசன், பெயா் குறிப்பிடாத மற்றொரு நபா், அதிமுகவை சோ்ந்த நரசிம்மன் உள்ளிட்ட 4 பேரையும் தேடி வருகின்றனா்.