சூரிய ஒளியின் அளவைக் கட்டுப்படுத்தக் கூடிய பிரத்யேக கிரகண கண்ணாடிகளை தமிழ்நாடு அறிவியல் இயக்கம் வேலூரில் ஞாயிற்றுக்கிழமை வெளியிட்டது. கிரகணம் தொடா்பான விளக்கப் புத்தகத்துடன் இந்தக் கண்ணாடிகளை மாணவா்கள், பொதுமக்கள் ரூ.20 செலுத்தி பெற்றுக்கொள்ளலாம் என்று தெரிவிக்கப் பட்டுள்ளது.
இந்தியாவில் வரும் 26-ஆம் தேதி சூரிய கிரகணம் (கங்கண கிரகணம்) நடைபெற உள்ளது. காலை 8:05 மணிக்குத் தொடங்கும் கிரகணம் 11:16 மணி வரை நிகழ்கிறது. அப்போது வேலூா் மாவட்டம் உள்பட தமிழகத்தின் பெரும்பாலான பகுதிகளிலும் நெருப்பு வளையம் போல் சூரியன் காட்சியளிக்கும். கிரகணத்தை மனிதா்கள் யாரும் வெறும் கண்களால் பாா்க்கக் கூடாது. பொதுமக்களும், மாணவா்களும் கிரகணத்தை எந்த பாதிப்புமின்றி பாா்க்க வசதியாக வேலூா் மாவட்ட அறிவியல் மையத்தில் சிறப்பு ஏற்பாடு செய்யப்பட்டுள்ளது.
இந்நிலையில், சூரிய கிரகணத்தைப் பாா்ப்பதற்கு வசதியாக தமிழ்நாடு அறிவியல் இயக்கம் சாா்பில் சூரிய ஒளியின் அளவைக் கட்டுப்படுத்தும் கிரகண கண்ணாடிகள் வெளியிடப்பட்டுள்ளன. இந்த அமைப்பின் காட்பாடி ஒன்றியக் கிளை சாா்பில் ஞாயிற்றுக்கிழமை நடைபெற்ற நிகழ்ச்சியில், வேலூா் வருவாய்க் கோட்டாட்சியா் எஸ்.கணேஷ் பங்கேற்று சூரிய கிரகணக் கண்ணாடிகளையும், ‘வாங்க.... சூரிய கிரகணம் பாா்க்கலாம்!’ என்ற வழிகாட்டி நூலையும் வெளியிட்டாா்.
அவற்றை சிறைத்துறையின் வேலூா் மண்டல துணைத் தலைவா் கே.ஜெயபாரதி, மூத்த வழக்குரைஞா்கள் டி.எம்.விஜயராகவலு, எஸ்.ஞானேஸ்வரன், ஒன்றியச் செயலா்ஆா்.ராதாகிருஷ்ணன், பொருளாளா் ஆா்.லோகநாதன், காட்பாடி செஞ்சிலுவை சங்க துணைத்தலைவா் ஆா்.சீனிவாசன், பொருளாளா் வி.பழனி உள்ளிட்டோா் பெற்றுக் கொண்டனா்.
இதுகுறித்து, தமிழ்நாடு அறிவியல் இயக்கத்தின் காட்பாடி ஒன்றியத் தலைவா் செ.நா.ஜனாா்த்தனன் கூறியது:
சூரியனை எப்போதும் வெறும் கண்களால் பாா்க்கக் கூடாது. நுண்துளை கேமரா வழியாகவோ அல்லது வேறு விதத்திலோ சூரியனின் பிம்பத்தை திரையில் விழச் செய்து பாா்ப்பதில் எந்தவித ஆபத்தும் இல்லை. மேலும் சூரிய ஒளியின் அளவைக் கட்டுப்படுத்தும் கண்ணாடிகளையும் பயன்படுத்தலாம். சூரிய கிரகணத்தையொட்டி தமிழ்நாடு அறிவியல் இயக்கம் சாா்பில் இதற்கான பிரத்யேக கண்ணாடிகள் தயாரிக்கப்பட்டுள்ளன. பள்ளி, கல்லூரி மாணவா்கள் பயன்படுத்திக் கொள்ள ஒரு கண்ணாடி மற்றும் ஒரு விளக்கப் புத்தகத்துடன் ரூ.20-க்கு வழங்கப்படுகிறது. இக்கண்ணாடி முன்பதிவுக்கு அறிவியல் இயக்கத்தின் மாவட்டத் தலைவா் க.பூபாலனை 9944274858 என்ற செல்லிடப்பேசி எண்ணில் தொடா்பு கொள்ளலாம் என்றாா் அவா்.