Enable Javscript for better performance
கோவை திருட்டு சம்பவம்: 2 கிலோ தங்க நகைகளுடன் திருப்பதியில் தாய், மகன் கைது- Dinamani

உடனுக்கு உடன் செய்திகள்

    கோவை திருட்டு சம்பவம்: 2 கிலோ தங்க நகைகளுடன் திருப்பதியில் தாய், மகன் கைது

    By DIN  |   Published On : 18th January 2019 05:58 AM  |   Last Updated : 18th January 2019 05:58 AM  |  அ+அ அ-  |  

    கோயம்புத்தூரில் திருடப்பட்ட 2 கிலோ தங்க நகைகளை திருப்பதி போலீஸார் மீட்டனர். இதில் தொடர்புடைய தாய், மகன் ஆகிய இருவரையும் கைது செய்தனர்.
    இதுகுறித்து திருப்பதி போலீஸார் கூறியதாவது:
    திருப்பதியில் வியாழக்கிழமை காலை சந்தேகப்படும் வகையில் தாய், மகன் ஆகிய இருவர் நடமாடினர். இதைக் கண்ட போலீஸார் அவர்களைப் பிடித்து விசாரித்தனர். அதில் அவர்கள் முன்னுக்குப் பின் முரணாக பதிலளித்தனர். இதையடுத்து அவர்களிடமிருந்த பைகளைப் பறிமுதல் செய்து அதை சோதனையிட்டனர். அதில் தங்கம், வைரம் மற்றும் வெள்ளி நகைகள் இருப்பதைக் கண்டு அதிர்ச்சியடைந்து விசாரித்தனர். 
    விசாரணையில் சிக்கியவர்கள் திருவள்ளூரைச் சேர்ந்த ரசூலின்  மனைவி ஷமா(46), மூத்த மகன் முகமது சலீம்(29),  என்பது தெரிய வந்தது.  ரசூலின் இளைய மகன் ஃபரோஸ் அலி(26)  கடந்த 7-ஆம் தேதி கோயம்புத்தூரில் தங்கம், வைரம், வெள்ளி நகைகளை தன் நண்பர்களுடன் இணைந்து திருடியுள்ளார். அவற்றில் சில நகைகளை தன் தாயிடம் அளித்து பாதுகாப்பாக வைத்திருக்குமாறு கூறி விட்டு, மீதமுள்ள நகைகளுடன் தலைமறைவானார்.  திருவள்ளூரில் இருந்தால் சந்தேகம் வரும் என்று கருதிய ஷமா, அந்த நகைகளை எடுத்துக் கொண்டு தன் மூத்த  மகன் முகமது சலீமை அழைத்துக் கொண்டு திருப்பதிக்கு வந்துள்ளார் . அப்போது  போலீஸாரிடம் சிக்கினர்.
    இது தொடர்பாக திருப்பதி போலீஸார், கோயம்புத்தூர் போலீஸாருக்கு தகவல் அளித்தனர். அவர்கள் திருப்பதிக்கு வந்தனர். அதைத் தொடர்ந்து கைதாகியுள்ள ஷமாவையும், முகமது சலீமையும் திருப்பதி நீதிமன்றத்தில் நகர போலீஸார் ஆஜர்படுத்தினர். பின்னர் அவர்களை தமிழக போலீஸாரிடம் ஒப்படைத்தனர். கைதானவர்களிடம் இருந்து பறிமுதல் செய்யப்பட்ட 1,965 கிராம் தங்கம், 15 கிராம் வைரம், 248 கிராம் வெள்ளி நகைகளும் தமிழக போலீஸாரிடம்  ஒப்படைக்கப்பட்டன.
    கைதாகியுள்ள முகமது சலீம் மீதும், அவரது சகோதரரான ஃபரோஸ் அலி மீதும்  செம்மரக் கடத்தல் தொடர்பான வழக்குகள் திருப்பதி போலீஸில் நிலுவையில் உள்ளது குறிப்பிடத்தக்கது.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp