Enable Javscript for better performance
ஆதார், இ-சேவை மைய  ஊழியர்கள் உண்ணாவிரதம்- Dinamani



    ஆதார், இ-சேவை மைய  ஊழியர்கள் உண்ணாவிரதம்

    By DIN  |   Published on : 01st June 2019 06:48 AM  |   அ+அ அ-   |    |  

    குறைந்தபட்ச ஊதியம் ரூ. 18 ஆயிரம் வழங்கக் கோரி ஆதார், இ-சேவை மைய ஊழியர்கள் வேலூரில் வெள்ளிக்கிழமை உண்ணாவிரதப் போராட்டத்தில் ஈடுபட்டனர்.
    தமிழகம் முழுவதும் 653 ஆதார், இ-சேவை மையங்கள் இயங்கி வருகின்றன. இதில், 1,400 பேர் வேலை செய்து வருகின்றனர். வேலூர் மாவட்டம் முழுவதும் 23 ஆதார், இ-சேவை மையங்களில் 69 ஊழியர்கள் பணியாற்றி வருகின்றனர். இந்நிலையில், ஆதார், இ-சேவை மைய ஊழியர்களிடம் இருந்து பிடித்தம் செய்யப்பட்ட பணத்தைத் திருப்பித்தர வேண்டும், குறைந்தபட்ச ஊதியமாக ரூ. 18 ஆயிரம் வழங்க வேண்டும், ஊழியர்களைப் பணி நிரந்தரம் செய்ய வேண்டும், இ-சேவை மையத்துக்குத் தேவையான பேனா, காகிதங்கள் உள்ளிட்ட உபகரணங்களை வழங்க வேண்டும், தொழிலாளர் நலச் சட்டத்தை நடைமுறைப்படுத்த வேண்டும் என்பன உள்ளிட்ட கோரிக்கைகளை வலியுறுத்தி தமிழகம் முழுவதும் ஆதார், இ-சேவை மைய ஊழியர்கள் வெள்ளிக்கிழமை உண்ணாவிரதப் போராட்டத்தில் ஈடுபட்டனர்.
    வேலூரில் அண்ணா கலையரங்கம் அருகே நடைபெற்ற இந்தப் போராட்டத்துக்கு யூனியன் ஆஃப் ஐ.டி, ஐ.டீ.எஸ். தொழிலாளர் சங்க மாவட்டத் தலைவர் சசிரேகா தலைமை வகித்தார்.
     சிஐடியு சங்க மாவட்டத் தலைவர் காசிநாதன் முன்னிலை வகித்தார். துணைத் தலைவர் மனோஜ் வரவேற்றார். இதில், மாவட்டம் முழுவதும் இருந்து ஆதார், இ-சேவை மைய ஊழியர்கள் பலர் பங்கேற்றனர்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp