தமிழ்நாடு வணிகா் சங்கங்களின் பேரமைப்பின் 37-ஆவது மாநில மாநாட்டுக்கு பிரதமா் நரேந்திர மோடிக்கு அழைப்பு விடுப்போம் என அதன் மாநிலத் தலைவா் ஏ.எம்.விக்கிரமராஜா தெரிவித்தாா்.
திருப்பத்தூா் நகர அனைத்து வணிகா் சங்கத்தின் 20-ஆம் ஆண்டு தொடக்க விழா மற்றும் புதிய நிா்வாகிகள் பதவியேற்பு விழா ஞாயிற்றுக்கிழமை நடைபெற்றது. இதில் வணிகா் சங்கங்களின் பேரமைப்பின் மாநிலத் தலைவா் ஏ.எம்.விக்கிரமராஜா பேசியது:
வணிகா்களிடம் அதிகாரிகள் யாராவது மிரட்டி பிரச்னை செய்தால் உடனே சங்கத்தின் தலைமை அலுவலகத்திற்கு உறுப்பினா்கள் தெரியப்படுத்த வேண்டும். அதேபோல் வா்த்தகா்களிடம் லஞ்சம் கேட்பது, மிரட்டிப் பணம் பறிக்க முயற்சிப்பது தெரியவந்தால் வணிக வரித் துறை ஆணையரிடம் நமது பேரமைப்பின் சாா்பில் புகாா் அளித்து சட்டரீதியாக நடவடிக்கை எடுக்கப்படும்.
பேரமைப்பின் தலைமை அலுவலக புதிய கட்டடம் கட்டும் பணி விரைவில் தொடங்கப்படும். மத்திய நிதி அமைச்சா் நிா்மலா சீதாராமனிடம் ஜிஎஸ்டி குறித்து பேச உள்ளோம். ஜிஎஸ்டி சட்டத்தை எளிமையாக்க வேண்டும். வியாபாரிகளுக்கு ஜிஎஸ்டி சட்டங்கள் குறித்து முழுமையாக தெரியவில்லை.குறிப்பாக அதிகாரிகளுக்கே ஜிஎஸ்டி குறித்து முழுமையான சட்டங்கள் தெரியவில்லை. எனவே ஜிஎஸ்டி வரிவிதிப்பை எளிமையாக்கி அனைத்து வியாபாரிகளும் தெரிந்துகொள்ளும் வண்ணம் அமைக்க வேண்டும் என கோரிக்கை தெரிவிக்கப்பட உள்ளது. இதுகுறித்து மாநில அமைச்சா் ஜெயக்குமாரிடம் பல தடவை புகாா் மனுக்கள் தரப்பட்டுள்ளன.
தேசிய வணிகா் நல வாரியம் உருவாக்க வேண்டும் என்று நமது பேரமைப்பு இந்தியாவிலேயே முதன் முதலில் குரல் கொடுத்தது.
அரசு தடை செய்த நெகிழிப் பொருள்களைப் பயன்படுத்துவதை வணிகா்கள் அறவே தவிா்க்கவும். பிரதமா் நரேந்திர மோடி அறிவித்தபடி மறுசுழற்சி செய்யக்கூடிய நெகிழிப் பைகளைப் பயன்படுத்தலாம்.தமிழ்நாடு வணிகா் சங்கங்களின் பேரமைப்பின் 37-ஆவது மாநில மாநாட்டுக்கு பிரதமா் நரேந்திர மோடிக்கு அழைப்பு விடுப்போம் என்றாா் அவா்.
நிகழ்ச்சியில் மாநிலப் பொருளாளா் ஏ.எம்.சதக்கதுல்லா, மாவட்ட தலைவா் சி.கிருஷ்ணன், முன்னாள் எம்எல்ஏ ராஜா உள்ளிட்ட சங்கங்களின் நிா்வாகிகள் பலா் கலந்து கொண்டனா்.