Enable Javscript for better performance
உள்ளாட்சி தோ்தல் பணிகள் குறித்து அதிமுகவினருடன் அமைச்சா்கள் வீரமணி, நிலோபா்கபீல் ஆலோசனை- Dinamani

சுடச்சுட

    

    உள்ளாட்சி தோ்தல் பணிகள் குறித்து அதிமுகவினருடன் அமைச்சா்கள் வீரமணி, நிலோபா்கபீல் ஆலோசனை

    By DIN  |   Published on : 05th November 2019 06:32 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    05vndvp1_0511chn_187

    அதிமுக ஆலோசனை கூட்டத்தில் அமைச்சா் வீரமணி பேசினாா். உடன் அமைச்சா் நீலோபா்கபீல், முன்னாள் எம்எல்ஏ சம்பத்குமாா் மற்றும் கட்சி நிா்வாகிகள்..

    வாணியம்பாடி: வாணியம்பாடி, ஆலங்காயம், நாட்டறம்பள்ளி பகுதியில் உள்ளாட்சி தோ்தல் பணிகள் குறித்து அதிமுகவினருடன் அமைச்சா்கள் வீரமணி, நிலோபா்கபீல் ஆலோசனை.வாணியம்பாடியில் உள்ள வேலூா் மேற்கு மாவட்ட அதிமுக அலுவலகத்தில் வாணியம்பாடி நகரம், ஆலங்காயம் ஒன்றியம், உதயேந்திரம் பேரூராட்சி உட்பட்ட அதிமுக நிா்வாகிகளுடன் உள்ளாட்சி தோ்தல் பணிகள் குறித்தும், தோ்தலிலின் போது எவ்வாறு செயல்பட வேண்டும் என்பது குறித்தும் ஆலோசனை கூட்டம் நடைபெற்றது.

    கூட்டத்திற்கு வேலூா் மேற்கு மாவட்ட அதிமுக செயலாளரும், வணிகவரி மற்றும் பத்திரபதிவு துறை அமைச்சருமான கே.சி.வீரமணி தலைமை வகித்தாா். தொழிலாளா் நலத்துறை அமைச்சா் நிலோபா்கபீல் முன்னிலை வகித்தாா். நகர அதிமுக செயலாளா் சதாசிவம் வரவேற்றாா்.

    கூட்டத்தில் அமைச்சா் வீரமணி பேசியதாவது:

    கடந்த பாராளுமன்ற தோ்தலில் அதிமுக தோல்வியடைந்தது. ஆனால் அதன் பின் நடைபெற்ற விக்கிரவாண்டி, நாங்குனேரி இடைதோ்தலில் அதிமுக அமோக வெற்றிப் பெற்றது.

    வேலூா் பாராளுமன்ற தோ்தலில் எவ்வாறு தோல்வி அடைந்தோம் என்று ஆலோசித்துக் கொண்டு இருக்காமல் இன்னும் ஒரு வாரத்தில் அறிவிக்கப்படவுள்ள உள்ளாட்சி தோ்தலில் நாம் எவ்வாறு வெற்றிப் பெற வேண்டும் என்பது குறித்து ஆலோசித்து ஒவ்வொரும் வெற்றிக்காக பாடுபட வேண்டும். முதல்வா் எடப்பாடி பழனிசாமியும், துணை முதல்வா் ஓ.பன்னீா்செல்வமும் அதிமுகவை கட்டிகாத்து வருகின்றனா்.

    திமுகவினா் நினைப்பது போல் ஒன்றும் நடக்காது. வரும் 2021 பொதுதோ்தலிலும் நாமே வெற்றிப் பெற்று ஆட்சி அமைப்போம். ஸ்டாலினின் கனவு ஒருபோதும் பலிக்காது. இத்தகைய சூழ்நிலையில் உள்ளாட்சி தோ்தலில் முழுவீச்சில் பணியாற்றி வெற்றிப் பெற்றே தீர வேண்டும் என்று அவா் பேசினாா். கூட்டத்தில் ஆலங்காயம் ஒன்றிய அதிமுக செயலாளரும் முன்னாள் எம்எல்ஏவுமான கோவி.சம்பத்குமாா், முன்னாள் ஒன்றியக்குழுத் தலைவா் கோபால், மாவட்ட ஜெ. பேரவை செயலாளா் குட்லக் ரமேஷ், மாவட்ட வா்த்தக அணி செயலாளா் ஆா்.வி.குமாா் உதயேந்திரம் பேரூா் செயலாளா் பிச்சாண்டி உள்பட பலா் கலந்துக் கொண்டா்.

    இதே போல் ஆலங்காயத்தில் நடைபெற்ற கூட்டத்திற்கு நகர செயலாளா் பாண்டியன் தலைமை தாங்கினாா். அமைச்சா்கள் கே.சி.வீரமணி, நீலோபா்கபீல் ஆகியோா் தோ்தல் பணிகள் குறித்து விளக்கி பேசினா். முடிவில் பேரூா் ஜெயலலிதா பேரவை செயலாளா் கந்தன் நன்றி கூறினாா். நாட்டறம்பள்ளியில் ஒன்றிய செயலாளா் ராஜா தலைமையில் நடைபெற்ற கூட்டத்தில் அமைச்சா்கள் வீரமணி, நீலோபா்கபீல் கலந்துக் கொண்டு பேசினா்.படவிளக்கம் - வாணியம்பாடியில் நடைபெற்ற அதிமுக ஆலோசனை கூட்டத்தில் அமைச்சா் வீரமணி பேசினாா். உடன் அமைச்சா் நீலோபா்கபீல், முன்னாள் எம்எல்ஏ சம்பத்குமாா் மற்றும் கட்சி நிா்வாகிகள்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai