ஆற்காடு அருகே ஏரியிலிருந்து பள்ளி மாணவரின் சடலம் மீட்கப்பட்டது.
சா்வந்தாங்கல் அருகே உள்ள கே.பி.தாங்கல் கிராமத்தைச் சோ்ந்தவா் ஏழுமலை. கட்டட மேஸ்திரி. அவரது மகன் ரவிக்குமாா் (14) வி.கே.மாங்காடு பகுதியில் உள்ள அரசு உயா்நிலைப் பள்ளியில் 9-ஆம் வகுப்பு படித்து வந்தாா்.
அவா் சனிக்கிழமை மாலை பள்ளியில் இருந்து வீட்டிற்கு வந்தாா். பின்னா் அங்கிருந்து தங்களுக்குச் சொந்தமான விவசாய நிலத்துக்கு சைக்கிளில் சென்றாா். அங்குள்ள தனியாா் நிலத்தின் அருகே சைக்கிளை நிறுத்திவிட்டு ஏரிக்கரை மீது நடந்து சென்றாா். அப்போது நிலைதடுமாறி ஏரியில் விழுந்து தண்ணீரில் மூழ்கி இறந்தாா்.
மாலையில் வீடு திரும்பிய ஏழுமலை தன் மகன் ரவிக்குமாரை பல இடங்களில் தேடினாா். அப்போது ஏரியில் மகனின் சடலம் மிதக்கும் தகவலை அவரிடம் சிலா் தெரிவித்தனா். இது குறித்த புகாரின் பேரில் ஆற்காடு கிராமிய போலீஸாா் வழக்குப்பதிவு செய்து விசாரணை நடத்தி வருகின்றனா்.