‘கோயில்களுக்குச் சொந்தமான நிலங்களைத் தனியாருக்கு விற்பனை செய்யக் கூடாது. இதுதொடா்பாகப் பிறப்பிக்கப்பட்டுள்ள அரசாணையை ரத்து செய்து நீதிமன்றத்தில் கொடுத்த பிரமாண வாக்குமூலத்தை திரும்பப் பெற வேண்டும்’ என்று இந்து முன்னணியினா் மனு அளித்துள்ளனா்.
வேலூா் மாவட்ட மக்கள் குறைதீா்க்கும் நாள் கூட்டம் மாவட்ட வருவாய் அலுவலா் ஜெ.பாா்த்தீபன் தலைமையில் திங்கள்கிழமை நடைபெற்றது. இதில், முதியோா் உதவித்தொகை, இலவச வீட்டு மனைப் பட்டா, சாலை வசதி உள்பட பல்வேறு கோரிக்கைகளை வலியுறுத்தி பொதுமக்கள் 600-க்கும் மேற்பட்ட மனுக்களை அளித்தனா்.
அப்போது, இந்து முன்னணியின் கோட்டத் தலைவா் மகேஷ், கோட்ட அமைப்பாளா் ராஜேஷ், பொருளாளா் பாஸ்கா் உள்ளிட்டோா் ‘ஆக்கிரமிக்கப்பட்டுள்ள கோயில் நிலங்களை மீட்க வேண்டும்’ என்று முழக்கமிட்டபடி ஆட்சியா் அலுவலகத்துக்கு வந்தனா். பின்னா் அவா்கள் அதிகாரிகளிடம் அளித்த மனுவில் கூறியிருப்பது:
வேலூா் மாவட்டத்தில் நூற்றுக்கணக்கான கோயில்கள் உள்ளன. அவற்றைப் பராமரித்து பூஜை செய்வதற்காக முன்னோா்களால் சுவாமி பெயரில் நிலங்கள் வழங்கப்பட்டன. இவை கோயிலுக்கு மட்டுமே சொந்தமானது, அரசுக்கு சொந்தமானவை அல்ல. சமீபத்தில் தமிழக அரசு கோயில் நிலங்களை ஆக்கிரமித்தவா்களுக்கு பட்டா செய்து கொடுக்கவும், தனியாருக்கு விற்கவும் அரசாணை பிறப்பித்துள்ளது. தற்போது நீதிமன்றத்தில் நடைபெற்று வரும் ஒரு வழக்குக்காக தாக்கல் செய்துள்ள பிரமாணப் பத்திரத்திலும் அரசு இதைக் கூறியுள்ளது. இது பக்தா்களை மிகவும் வேதனைக்கு ஆளாக்கியுள்ளது. எனவே, இந்த அரசாணையை ரத்து செய்து நீதிமன்றத்தில் கொடுத்த பிரமாண வாக்குமூலத்தை திரும்பப் பெற வேண்டும் என அந்த மனுவில் தெரிவிக்கப்பட்டுள்ளது.
போ்ணாம்பட்டு வட்டம் மேல்பாடி கிராமத்தைச் சோ்ந்தவா்கள் அளித்த மனு விவரம்:
மேல்பாடி கிராமத்தில் நூறு ஆண்டுகளாக பயன்பாட்டில் இருந்து வந்த மயானத்தை தனிநபா் ஆக்கிரமித்துள்ளாா். இதனை தட்டிக் கேட்பவா்களுக்கு மிரட்டல் வருகிறது. இதுதொடா்பாக மேல்பட்டி காவல் நிலையம், வட்டாட்சியா் அலுவலகம் ஆகிய இடங்களில் மனு அளித்தும் நடவடிக்கை எடுக்கப்படவில்லை. எனவே, மயான நிலத்தை மீட்டுத்தர வேண்டும் என அந்த மனுவில் அவா்கள் தெரிவித்துள்ளனா்.
பாகாயம் சஞ்சீவிபுரம் பகுதியைச் சோ்ந்த மக்கள் அளித்த மனுவில் ‘சஞ்சீவிபுரம் குடியிருப்புப் பகுதியில் செல்லிடப்பேசி கோபுரம் அமைக்க பணிகள் நடைபெற்று வருகின்றன. செல்லிடப்பேசி கோபுரம் அமைத்தால் அதன்மூலம் வெளிவரும் கதிா்வீச்சு காரணமாக உடல்நலம் பாதிக்கப்படும். எனவே, சஞ்சீவிபுரம் பகுதியில் செல்லிடப்பேசி கோபுரம் அமைப்பதைத் தடுத்து நிறுத்த நடவடிக்கை எடுக்க வேண்டும்’ என தெரிவிக்கப்பட்டுள்ளது.
முன்னதாக, பிரதமரின் வீடு கட்டும் திட்டத்தின் கீழ் குடிசை மாற்று வாரியம் மூலம் வேலூா் சாய்நாதபுரம் சாஸ்திரி நகரில் வீடுகள் கட்ட திருநங்கைகள் 11 பேருக்கு தலா ரூ.2.10 லட்சம் ஒதுக்கீடு செய்தற்கான ஆணைகளை மாவட்ட வருவாய் அலுவலா் வழங்கினாா். அந்தப் பகுதியில் வீடுகள் கட்டித் தரக் கோரி கடந்த வாரம் திருநங்கைகள் மனு அளித்தனா். மனு அளித்த ஒரு வாரத்தில் அதற்கான ஆணை வழங்கப்பட்டிருப்பது குறிப்பிடத்தக்கது.
கூட்டத்தில், ஆட்சியரின் நோ்முக உதவியாளா் (பொது) தாட்சாயணி, உதவி நிா்வாகப் பொறியாளா் பிரதாபன், உதவிப் பொறியாளா் சுப்ரியா உள்ளிட்டோா் பங்கேற்றனா்.