Enable Javscript for better performance
சிறுவன் கொலை வழக்கில் இருவா் கைது- Dinamani

சுடச்சுட

    
    07novyel1_0711chn_192_1

    ஏலகிரி மலையில் சிறுவன் கொலை வழக்கில் தேடப்பட்டு வந்த இருவரை போலீஸாா் வியாழக்கிழமை கைது செய்தனா்.

    ஏலகிரி மலை அத்தனாவூா் பகுதியைச் சோ்ந்த குட்டி. இவரது மகன் ராகேஷ்குமாா்(9). அதே பகுதியைச் சோ்ந்த பெருமாள் (35) குட்டியிடம் பணம் கடனாகப் பெற்றாராம். நீண்ட நாள்களாகியும் பணத்தைத் திரும்பத் தரவில்லையாம். இதனால் அவா்களிடையே தகராறு ஏற்பட்டது.

    இந்நிலையில் கடந்த 2013-ஆம் ஆண்டு டிசம்பா் 16-ஆம் தேதி பெருமாள், அதே பகுதியைச் சோ்ந்த ராமலிங்கத்தின் மனைவி காளியம்மாள் (34)ஆகிய இருவரும் இணைந்து சிறுவன் ராகேஷ்குமாரை காரில் கடத்திச் சென்று ஒகேனக்கல் நீா்வீழ்ச்சியில் தள்ளிக் கொலை செய்தனா்.

    இதுகுறித்து குட்டி அளித்த புகாரின்பேரில், ஏலகிரி போலீஸாா் வழக்குப் பதிவு செய்து பெருமாளைக் கைது செய்தனா். தலைமறைவான காளியம்மாளை தேடிவந்தனா்.

    பின்னா், ஜாமீனில் வெளிவந்த பெருமாள் தலைமறைவாகிவிட்டாா். கடந்த 2015-ஆம் ஆண்டு மாா்ச் 28-ஆம் தேதி காளியம்மாள் திருப்பத்தூா் நீதிமன்றத்தில் சரணடைந்தாா். ஜாமீனில் வெளிவந்த காளியம்மாள் மீண்டும் தலைமறைவாகிவிட்டாா்.

    இதையடுத்து தலைமறைவான பெருமாள், காளியம்மாள் ஆகிய இருவரையும் கைது செய்யக் கோரி திருப்பத்தூா் நீதிமன்றம் போலீஸாருக்கு உத்தரவிட்டது.

    அதன்பேரில் ஏலகிரி போலீஸாா் தனிப்படை அமைத்து இருவரையும் தேடிவந்தனா். இந்நிலையில் பெங்களூரில் இருந்த பெருமாள், காளியம்மாள் ஆகிய இருவரையும் போலீஸாா் வியாழக்கிழமை கைது செய்தனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai