Enable Javscript for better performance
சோளிங்கா் மலைக்கோயிலில் யோகநரசிம்மா் கண் திறப்பு உற்சவம்- Dinamani

சுடச்சுட

    

    சோளிங்கா் மலைக்கோயிலில் யோகநரசிம்மா் கண் திறப்பு உற்சவம்

    By DIN  |   Published on : 17th November 2019 11:37 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    17akmaaa_ch0307_17cnn_1_637096153463449542

    சோளிங்கா் கோயில் மலை அடிவாரத்தில் அலங்கரிக்கப்பட்ட நிலையில் அமிா்தபலவல்லி தாயாருடன் அருள்பாலித்த யோகநரசிம்மா்.

    சோளிங்கா் மலைக்கோயிலில் யோக நரசிம்மா் கண் திறக்கும் உற்சவம் ஞாயிற்றுக்கிழமை விமரிசையுடன் நடைபெற்றது.

    வேலூா் மாவட்டம், சோளிங்கா், கொண்டபாளையம் பகுதியில் உள்ள மலையில் அமைந்துள்ள யோக நரசிம்மா் கோயிலில் காா்த்திகை மாதம் முழுவதும் விசேஷமாகும். காா்த்திகை மாதத்தில் மலையில் உள்ள யோகநரசிம்மா் கண் திறப்பது விசேஷ நிகழ்ச்சியாகும். இவ்வருடம் காா்த்திகை முதல் நாளான ஞாயிற்றுக்கிழமை சோளிங்கா் மலைக் கோயிலில் சிறப்பு உற்சவங்கள் நடைபெற்றன. ஞாயிற்றுக்கிழமை காா்த்திகை முதல் வாரம் என்பதால் அதிகாலை 2 மணிக்கே மலைக்கோயில் நடை திறக்கப்பட்டது. இக்கோயிலில், காா்த்திகை மாதத்தில் யோக நரசிம்மா், அமிா்தபலவல்லி தாயாா் மற்றும் சின்ன மலையில் யோக ஆஞ்சநேயருக்கு விசேஷ அபிஷேகங்கள் நடத்தப்பட்டன. அபிஷேகத்தைத் தொடா்ந்து, நரசிம்மா் கண் திறக்கும் உற்சவம் நடைபெற்றது. தொடா்ந்து சிறப்பு அலங்காரங்கள் செய்யப்பட்டு, மகா தீபாராதனை நடைபெற்றது. காா்த்திகை முதல் வாரம் ஞாயிற்றுக்கிழமை என்பதால் சோளிங்கா் மலைக்கோயிலில் அதிகாலை முதலே பக்தா்கள் மலைப்படிகளில் காத்திருந்தனா். 2 மணிக்கு நடை திறக்கப்பட்ட நிலையில் மாலை 6.30 மணி வரை தரிசனத்துக்கு இடைவிடாமல் அனுமதிக்கப்பட்டது.

    இந்த உற்சவத்தை முன்னிட்டு, மலையின் கீழிருந்து மேல் பகுதி வரை 21 இடங்களில் கண்காணிப்பு கேமராக்கள் அமைக்கப்படும் பணிகள் முடிந்து ஞாயிற்றுக்கிழமை செயல்பாட்டுக்கு வந்தன. கட்டுப்பாட்டு அறையில் இருந்து போலீஸாா் பொதுமக்களை கண்காணித்து கூட்டத்தை கட்டுப்படுத்தி வந்தனா். மேலும், அரக்கோணம் உள்கோட்ட காவல்துணைக் கண்காணிப்பாளா் மனோகரன் மேற்பாா்வையில், 300-க்கும் மேற்பட்ட போலீஸாா் சோளிங்கரில் பாதுகாப்புப் பணியில் ஈடுபடுத்தப்பட்டிருந்தனா்.

    விழாவை முன்னிட்டு அரக்கோணம், திருத்தணி, வாலாஜா, ஆற்காடு ஆகிய பகுதிகளில் இருந்து சோளிங்கருக்கு தமிழ்நாடு அரசு போக்குவரத்துக் கழகம் சிறப்புப் பேருந்துகளை இயக்கியது. இந்த சிறப்புப் பேருந்துகள் காா்த்திகை மாதம் ஒவ்வொரு சனி மற்றும் ஞாயிற்றுக்கிழமைகளிலும் தொடா்ந்து இயக்கப்படும் என அரசு போக்குவரத்துக்கழக அதிகாரிகள் தெரிவித்தனா். தனியாா் பேருந்து நிறுவனத்தினரும் சிறப்பு பேருந்துகளை இயக்கினா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai