வேலூா்: வேலூரில் டிராவல்ஸ் உரிமையாளரிடம் கத்தி முனையில் ரூ.10 லட்சம் கேட்டு மிரட்டியதாக ரெளடி ஜானியின் கூட்டாளியை விருதம்பட்டு போலீஸாா் கைது செய்தனா். தலைமறைவான ரெளடி ஜானியை போலீஸாா் தேடி வருகின்றனா்.
வேலூா் சைதாப்பேட்டையைச் சோ்ந்தவா் கிரிதரன் (42). இவா் சொந்தமாக டிராவல்ஸ் நடத்தி வருகிறாா். கடந்த 3-ஆம் தேதி இவரது செல்லிடப்பேசிக்கு வந்த அழைப்பில் பேசிய நபா், தன்னை ரெளடி ஜானி என அறிமுகம் செய்து கொண்டதுடன், தனக்கு ரூ.10 லட்சம் பணம் தர வேண்டும், இல்லையென்றால் கொலை செய்து விடுவதாகக்கூறி மிரட்டியதாகத் தெரிகிறது. 9-ஆம் தேதி மீண்டும் செல்லிடப்பேசியில் தொடா்பு கொண்டு மிரட்டல் விடுக்கப்பட்டதாம்.
இந்நிலையில், சனிக்கிழமை மாலை 4.30 மணியளவில் கிரிதரன் விருதம்பட்டு அருகே நின்று கொண்டிருந்தபோது, அங்கு வேனில் வந்த ரெளடி ஜானி, அவரது கூட்டாளியான காட்பாடி பாரதி நகரைச் சோ்ந்த சீனு என்கிற சீனிவாசன் (34) ஆகியோா் அவரிடம் கத்தியைக் காட்டி மிரட்டி சட்டைப்பையில் இருந்த ரூ.5 ஆயிரத்தை பறித்துக் கொண்டதுடன், ரூ.10 லட்சம் தராவிடில் கொலை செய்து விடுவதாகவும் மிரட்டினாா்களாம். உடனடியாக கிரிதரன் அவா்களிடம் இருந்து தப்பியோடி பொதுமக்களிடம் தஞ்சமடைந்துள்ளாா். பிறகு, ரெளடி ஜானியும், அவரது கூட்டாளி சீனிவாசனும் அங்கிருந்து தப்பிச் சென்ாகக் கூறப்படுகிறது.
இதையடுத்து, கிரிதரன் நடந்த விவரம் குறித்து விரும்பட்டு காவல்நிலையத்தில் புகாா் அளித்தாா். அதன்பேரில் போலீஸாா் வழக்குப்பதிவு செய்து சீனிவாசனை கைது செய்தனா். மேலும், தலைமறைவாக உள்ள ரெளடி ஜானியையும் போலீஸாா் தேடி வருகின்றனா். வேலூரிலுள்ள பிரபல ரெளடிகளில் ஒருவரான ஜானி மீது பல்வேறு காவல்நிலையங்களில் ஆள்கடத்தல், கொலை, கொள்ளை வழக்குகள் நிலுவையில் இருப்பது குறிப்பிடத்தக்கது.