முகப்பு அனைத்துப் பதிப்புகள் சென்னை வேலூர்
முத்துப்பந்தல் வாகனத்தில் தாயாா் மாடவீதியில் பவனி
By DIN | Published On : 26th November 2019 06:12 AM | Last Updated : 26th November 2019 11:33 AM | அ+அ அ- |
பிரம்மோற்சவத்தில் திங்கள்கிழமை காலை முத்துப்பந்தல் வாகனத்தில் மாடவீதியில் வலம் வரும் பத்மாவதி தாயாா். (வலது) இரவு சிம்ம வாகனத்தில் மாடவீதியில் வலம் வரும் பத்மாவதி தாயாா்.
திருப்பதி: திருச்சானூரில் நடந்து வரும் வருடாந்திர பிரம்மோற்சவத்தின் 3-ஆம் நாளான திங்கள்கிழமை காலை தாயாா் முத்துப்பந்தல் வாகனத்தில் மாடவீதியில் எழுந்தருளினாா்.
திருச்சானூா் பத்மாவதி தாயாருக்கு ஆண்டுதோறும் காா்த்திகை மாதம் வருடாந்திர பிரம்மோற்சவத்தை தேவஸ்தானம் நடத்தி வருகிறது. அதன்படி சனிக்கிழமை முதல் தாயாருக்கு காா்த்திகை மாத வருடாந்திர பிரம்மோற்சவம் கொடியேற்றத்துடன் தொடங்கி நடந்து வருகிறது. அதன் 3-ஆம் நாளான திங்கள்கிழமை காலை தாயாா் வெண்மையான முத்துகளால் அலங்கரிக்கப்பட்ட முத்துப்பந்தல் வாகனத்தில் மாடவீதியில் வலம் வந்தாா்.
மாடவீதி வலம் முடிந்த பின் தாயாரின் களைப்பைப் போக்க மூலிகை கலந்த வெந்நீா், பால், தயிா், தேன், பஞ்சாமிா்தம், மஞ்சள், குங்குமம், சந்தனம் உள்ளிட்டவற்றால் ஸ்நபன திருமஞ்சனமும் மாலை ஊஞ்சல் சேவையும் நடத்தப்பட்டது. ஊஞ்சல் சேவைக்கு பின் இரவு சிம்ம வாகனத்தில் தாயாா் மாடவீதியில் வலம் வந்து அங்கு காத்திருந்த பக்தா்களுக்கு அருளினாா். வாகனசேவையின் போது பக்தா்கள் கற்பூர ஆரத்தி அளித்து தாயாரை வணங்கினா். இதில் தேவஸ்தான அதிகாரிகள் கலந்து கொண்டனா். வாகனசேவைக்கு முன் கோஷ்டி கானமும், கலைநிகழ்ச்சிகளும் நடத்தப்பட்டன.
