Enable Javscript for better performance
வன்னியருக்கு உள்ஒதுக்கீடு அறிவிப்பு: மு.க. ஸ்டாலினுக்கு செ.கு. தமிழரசன் கண்டனம்- Dinamani

சுடச்சுட

    

    வன்னியருக்கு உள்ஒதுக்கீடு அறிவிப்பு: மு.க. ஸ்டாலினுக்கு செ.கு. தமிழரசன் கண்டனம்

    By DIN  |   Published on : 08th October 2019 10:15 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    வன்னியருக்கு உள் ஒதுக்கீடு வழங்க நடவடிக்கை எடுக்கப்படும் என திமுக தலைவா் மு.க. ஸ்டாலின் விடுத்துள்ள அறிக்கைக்கு இந்திய குடியரசுக் கட்சியின் மாநிலத் தலைவா் செ.கு. தமிழரசன் கடும் கண்டனம் தெரிவித்துள்ளாா்.

    குடியாத்தத்தில் தமிழரசன் செவ்வாய்க்கிழமை செய்தியாளா்களிடம் கூறியது: சட்டப்பேரவைத் தோ்தலில் வெற்றி பெற்று திமுக ஆட்சி அமைந்தால், மிகவும் பிற்படுத்தப்பட்டோருக்கான 20 சதவீத இட ஒதுக்கீட்டில் வன்னியா்களுக்கு உள்ஒதுக்கீடு வழங்க நடவடிக்கை எடுக்கப்படும் என திமுக தலைவா் மு.க. ஸ்டாலின் அறிக்கை விடுத்துள்ளாா்.

    ஸ்டாலினின் இந்த அறிக்கை தமிழகத்தில் அரசியல்ரீதியான சாதிய மோதல்களுக்கு வித்திடும். விக்கிரவாண்டி இடைத் தோ்தலில் வன்னியா்களின் வாக்குகளைப் பெற ஸ்டாலின் இந்த அறிவிப்பை வெளியிட்டுள்ளாா். இந்த ஒரு தொகுதியின் வெற்றி, தோல்வி தமிழகத்தில் எந்த அரசியல் மாற்றத்தையும் ஏற்படுத்தாது என்பது ஸ்டாலினுக்கு மட்டுமல்ல, சாதாரண மக்களுக்கும் தெரியும்.

    துணை முதல்வராக, அமைச்சராகச் செயல்பட்ட ஸ்டாலின், தற்போது வாக்கு வங்கிக்காக, விக்கிரவாண்டியில் வன்னியா்களின் வாக்குகளை கணிசமாகப் பெறவே ஜாதி அரசியலை முன் வைத்துள்ளாா். இதை இந்திய குடியரசுக் கட்சி வன்மையாக கண்டிக்கிறது.

    இந்த அறிவிப்பு ஸ்டாலினின் அரசியல் முதிா்வின்மையையே காட்டுகிறது.

    பாஜக இந்தியாவை மதத்தால் பிரிக்கிறது; மதவாதத்தை வளா்க்கிறது எனக்கூறி வரும் ஸ்டாலின் வாக்கு வங்கிக்காக ஒரு ஜாதிக்கு உள்ஒதுக்கீடு வழங்குவதாக கூறுவது கண்டனத்துக்குரியது. திமுக கூட்டணியில் உள்ள காங்கிரஸ், இடதுசாரிக் கட்சிகள் உள்பட அனைத்துக் கட்சிகளும் இந்த கருத்தை ஆதரிக்கிறாா்களா என்பதையும் தெளிவுபடுத்த வேண்டும் என்றாா் தமிழரசன்.

    பேட்டியின்போது கட்சியின் மாவட்டத் தலைவா் ரா.சி. தலித்குமாா், மாவட்டச் செயலா் பூமியாஅசோக்குமாா், மாவட்டப் பொருளாளா் வெங்கடேசன் உள்ளிட்டோா் உடனிருந்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai