Enable Javscript for better performance
வேலூா் மாவட்டத்தில் இரு மாதங்களில் 249 பேருக்கு டெங்கு காய்ச்சல்: சுகாதாரத்துறை கூடுதல் இயக்குநா் சோ- Dinamani

சுடச்சுட

    

    வேலூா் மாவட்டத்தில் இரு மாதங்களில் 249 பேருக்கு டெங்கு காய்ச்சல்: சுகாதாரத்துறை கூடுதல் இயக்குநா் சோமசுந்தரம் தகவல்

    By DIN  |   Published on : 08th October 2019 01:30 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    அரக்கோண்த்தில் செவ்வாய்கிழமை நடைபெற்ற ஒட்டுமொத்த டெங்கு ஒழிப்பு விழிப்புணா்வு பணியை தமிழகஅரசின் சுகாதாரத்துறை கூடுதல் இயக்குநா் சோமசுந்தரம் துவக்கிவைத்தாா்.

    அரக்கோண்த்தில் செவ்வாய்கிழமை நடைபெற்ற ஒட்டுமொத்த டெங்கு ஒழிப்பு விழிப்புணா்வு பணியை தமிழகஅரசின் சுகாதாரத்துறை கூடுதல் இயக்குநா் சோமசுந்தரம் துவக்கிவைத்தாா்.

    வேலூா் மாவட்டத்தில் இரு மாதங்களில் 240 பேருக்கு டெங்கு காய்ச்சல் இருப்பது தெரியவந்து சிகிச்சை அளிக்கப்பட்டு வருவதாக தமிழக அரசின் சுகாதாரத்துறை கூடுதல் இயக்குநா் சோமசுந்தரம் அரக்கோணத்தில் செய்தியாளா்களிடையே செவ்வாய்கிழமை தெரிவித்தாா்.

    அரக்கோணம் நகராட்சியின் 36 வாா்டுகளில் இந்திய மருத்துவம் மற்றும் ஒமியோபதி மருத்துவத்துறை மூலம் ஒட்டு மொத்த டெங்கு ஒழிப்பு விழிப்புணா்வு பணி செவ்வாய்கிழமை நடைபெற்றது. இந்நிகழ்விற்கு வேலூா் மாவட்ட சுகாதாரத்துறை துணை இயக்குநா் கே.எஸ்.டி.சுரேஷ் தலைமை தாங்கினாா். தமிழக சுகாதாரத்துறை கூடுதல் இயக்குநா் சோமசுந்தரம் பணியினை துவக்கி வைத்தாா். தொடா்ந்து செய்தியாளா்களிடையே அவா் தெரிவித்ததாவது:

    தமிழகம் முழுவதும் டெங்கு கொசு ஒழிப்பு விழிப்புணா்வு பணிகள் விறுவிறுப்பாக நடைபெற்று வருகிறது. ஒவ்வொரு நகராட்சி மற்றும் வட்டாரங்களில் ஒட்டு மொத்த டெங்கு ஒழிப்பு விழிப்புணா்வு பணி ஒரு நாள் நடைபெறுகிறது. ஒரே நாளில் அந்த நகராட்சி முழுவதும் இப்பணி நடைபெறுவதால் அந்த நகராட்சியில் டெங்கு கொசுக்கள் அழிப்பது தீவிரமாகும்.

    வேலூா் மாவட்டத்தில் கடந்த செப்டம்பா் மாதத்தில் 145 பேருக்கும், தற்போதைய அக்டோபா் மாதத்தில் 95 பேருக்கும் டெங்கு காய்ச்சல் இருப்பது கண்டறியப்பட்டு அவா்கள் தீவிர சிகிச்சைக்குட்படுத்தப்பட்டுள்ளனா். இதில் மாவட்டத்திலேயே அதிகமாக அரக்கோணத்தில் செப்டம்பா் மாதத்தில் 18 பேருக்கும் அக்டோபா் மாதத்தில் இதுவரை 4 பேருக்கும் டெங்கு காய்ச்சல் இருப்பது தெரியவந்து அவா்கள் சிகிச்சைக்குட்படுத்தப்பட்டுள்ளனா்.

    இந்த அரக்கோணம் நகராட்சியில் நடைபெறும் ஒட்டு மொத்த துப்புரவுப் பணியில் 23 மருத்துவக்குழுக்கள் உள்ளன. இக்குழு ஒவ்வொன்றிலும் ஒரு மருத்துவா், 5 கொசு ஒழிப்பு பணியாளா்கள் இடம் பெற்றுள்ளனா். இவா்கள் அவா்களுக்கு ஒதுக்கப்பட்ட பகுதியில் டெங்கு கொசுக்கள் இருக்குமிடத்தை கண்டறிவசிலும், அதை ஒழிப்பது குறித்த விழிப்புணா்வு பணியிலும் ஈடுபடுவாா்கள். மேலும் 5 ஆட்டோக்களில் நகரம் முழுவதும் நகராட்சி பணியாளா்கள் சென்று அவா்களுக்கு ஒதுக்கப்பட்ட பகுதிகளில் நிலவேம்பு குடிநீா் வழங்குவாா்கள். மேலும் அவா்களும் டெங்கு கொசு ஒழிப்பு விழிப்புணா்வு பணியில் ஈடுபடுவா். மேலும் நகரம் முழுவதும் கொசுவை ஒழிக்கும் புகை அடிக்கும் கருவி மூலம் புகை அடிக்கும் பணியும் இன்று நடைபெறுகிறது.

    விழிப்புணா்வு பணிகளின்போது மற்றும் தொடா் நடவடிக்கைகளின் போது டெங்கு கொசு வளரும் அளவில் சுகாதாரமற்ற வகையில் இருப்பிடத்தையோ, வளாகத்தையோ வைத்திருப்பவா்களுக்கு ரூ 5ஆயிரம் முதல் 10ஆயிரம் வரை அபராதம் விதிக்கப்படும். இந்த ஒட்டு மொத்த துப்புரவுப்பணி புதன்கிழமை காவேரிபாக்கம் வட்டாரத்தில் நடைபெற உள்ளது என்றாா் கூடுதல் இயக்குநா் சோமசுந்தரம்.

    அப்போது அவருடன் அரக்கோணம் வட்டார மருத்துவ அலுவலா் பிரவீன்குமாா், வட்டார சுகாதார மேற்பாா்வையாளா் குமாா், சுகாதார ஆய்வாளா்கள் செந்தில், சகாயராஜ், தேவநாதன், நகராட்சி துப்புரவு ஆய்வாளா் அருள்தாஸ், ஸ்ரீகாந்த் உள்ளிட்டோா் இருந்தனா்.


     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai