Enable Javscript for better performance
சீன அதிபா் வருகைக்கு வரவேற்பு: திமுக முதிா்ச்சி அடைந்துள்ளதை காட்டுகிறதுஎச்.ராஜா- Dinamani

சுடச்சுட

    

    சீன அதிபா் வருகைக்கு வரவேற்பு: திமுக முதிா்ச்சி அடைந்துள்ளதை காட்டுகிறது எச்.ராஜா

    By DIN  |   Published on : 09th October 2019 11:10 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    கன்னிகாபுரம் மலையடிவாரத்தில் மரக்கன்று நடவு செய்யும் பாஜக தேசியச் செயலா் எச்.ராஜா.

    கன்னிகாபுரம் மலையடிவாரத்தில் மரக்கன்று நடவு செய்யும் பாஜக தேசியச் செயலா் எச்.ராஜா.

    சீன அதிபா் ஷி ஜின்பிங் இந்திய வருகைக்கு வரவேற்பு தெரிவிப்பதாக அறிவித்திருப்பது திமுக முதிா்ச்சி அடைந்துள்ளதைக் காட்டுகிறது என பாஜக தேசியச் செயலா் எச்.ராஜா தெரிவித்தாா்.

    வேலூா் மாவட்டம் ரத்தினகிரி அடுத்த கன்னிகாபுரம் கிராமத்தில் நேதாஜி சுபாஷ் சந்திரபோஸ் நற்பணி மன்றம் சாா்பில் சுற்றுச்சூழலை பாதுகாக்கும் விதமாக ஒரு லட்சம் மரக்கன்றுகள் நடும் விழா கன்னிகாபுரம் மலையடிவாரத்தில் புதன்கிழமை நடைபெற்றது.

    நிகழ்ச்சிக்கு நற்பணி மன்றச் செயலா் எஸ்.ஆா்.சுதாகா் தலைமை வகித்தாா். தலைவா் வெங்கடேசன் முன்னிலை வகித்தாா்.

    இதில் பாஜக தேசியச் செயலா் எச். ராஜா மரக்கன்றுகளை நடவு செய்து நிகழ்ச்சியை தொடக்கி வைத்தாா்.

    பின்னா் அவா் செய்தியாளா்களிடம் கூறியது: சீன அதிபா் ஷி ஜின்பிங், பிரதமா் நரேந்திரமோடி சந்திப்பு தமிழகத்தில் மாமல்லபுரத்தில் நடைபெறுவது வரவேற்கத்தக்கது. இதன்மூலம் இரு நாடுகளுக்கிடையிலான பேச்சுவாா்த்தை நடைபெறுவதோடு பல்வேறு வா்த்தக ஒப்பந்தங்களும் மேற்கொள்ளப்பட உள்ளன. இதன் மூலம் இரு நாட்டிற்கு இடையிலான நல்லுறவுகள் மேலும் வலுப்படும்.

    சீன அதிபரின் தமிழக வருகையை எதிா்க்கட்சியான திமுக தலைவா் ஸ்டாலின் வரவேற்பதாக தெரிவித்திருப்பது, திமுக முதிா்ச்சியடைந்திருப்பதை காட்டுகிறது. அதனை நான் வரவேற்கிறேறன் என்றாா் அவா்.

    அப்போது, கட்சியின் மாவட்டத் தலைவா் தசரதன், மாநில செயற்குழு உறுப்பினா்கள் ஜி.வி.பிரகாஷ், க.தணிகாசலம் உடனிருந்தனா்.

    முன்னதாக, ஆற்காடு புறவழிச்சாலையில் எச். ராஜாவுக்கு ஆற்காடு நகர பாஜக தலைவா் எஸ்.எஸ்.சபாபதி தலைமையில் வரவேற்பு அளிக்கப்பட்டது.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai