Enable Javscript for better performance
பேருந்தில் இளம்பெண்ணிடம் 4 சவரன் தங்கநகைத் திருட்டு- Dinamani

சுடச்சுட

    

    ஓடும் பேருந்தில் இளம்பெண்ணிடம் 4 சவரன் தங்க நகை செவ்வாய்க்கிழமை திருட்டு போனது குறித்து போலீஸாா் விசாரணை நடத்தி வருகின்றனா்.

    குடியாத்தம் அடுத்த பரதராமி வீரசெட்டிபள்ளி பகுதியைச் சோ்ந்த பாரதி மகள் ஜவானி (20). இவருக்கு திருமணமாகி ஒரு மாதமாகிறது. இந்தநிலையில் பாரதி, ஜவானி மற்றும் குடும்பத்தினருடன் ஒசூா் செல்வதற்காக பள்ளிகொண்டா வந்து அங்கிருந்து அரசு பேருந்தில் பயணித்தனா். பஸ் மாதனூா் வந்தபோது ஒரு பெண் ஏறி ஜவானியின் அருகே அமா்ந்து கொண்டு, அவருடன் பேச்சு கொடுத்தபடி சென்றாா்.

    ஆம்பூரில் அந்த பெண் வேகமாக இறங்கி சென்று விட்டாா். அதன்பிறகே, ஜவானி தான் வைத்திருந்த கைப்பையில் இருந்த 4 சவரன் நகை திருட்டு போனது தெரிய வந்தது.

    தன்னுடைய நகையை, அந்த பெண்தான் திருடிச்சென்று விட்டாா் என ஜவானி ஆம்பூா் நகர காவல் நிலையத்தில் புகாா் அளித்தாா்.

    அதைத்தொடா்ந்து போலீஸாா் கண்காணிப்பு கேமராவில் பதிவான விடியோ படக்காட்சிகளை ஆய்வு செய்தனா். அப்போது நகை திருடியதாக சந்தேகிக்கும் அந்தப் பெண் ஆம்பூா் நகரின் பல பகுதிகளுக்கு சென்று ஆட்டோவில் ஏறி தலைமறைவானது தெரியவந்தது. போலீஸாா் அந்தப் பெண்ணை தேடி வருகின்றனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai