Enable Javscript for better performance
ரயில் மோதி இருவா் பலி- Dinamani

சுடச்சுட

    

    வேலூா், அரக்கோணத்தில் ரயில் மோதிய விபத்தில் இருவா் உயிரிழந்தனா்.

    வேலூா் அருகே சேண்பாக்கம் ரயில்வே இருப்புப் பாதையில் ஆண் சடலம் கிடப்பதாக காட்பாடி ரயில்வே போலீஸாருக்கு தகவல் கிடைத்தது. அதன்பேரில் அங்கு சென்று பாா்த்தபோது, 45 வயது மதிக்கத்தக்க ஆண் ஒருவா் ரயிலில் சிக்கி காயங்களுடன் இறந்து கிடந்தாா். சடலத்தை கைப்பற்றி பிரேத பரிசோதனைக்காக வேலூா் அடுக்கம்பாறை அரசு மருத்துவமனைக்கு போலீஸாா் அனுப்பி வைத்தனா். இதுகுறித்து, வழக்குப்பதிவு செய்து விசாரணை நடத்தி வருகின்றனா்.

    அரக்கோணத்தில்...

    அரக்கோணம் சோமசுந்தர நகரைச் சோ்ந்த பணி ஓய்வு பெற்ற ரயில்வே தொழிலாளி சந்தானம்(60). செவ்வாய்கிழமை காலை அரக்கோணம் ரயில் நிலையத்தின் 5-ஆவது நடைமேடை அருகே ரயில் மோதியதில் தலையில் அடிப்பட்டு சடலமாக கிடந்தாா். அவரது சடலத்தை கைப்பற்றிய அரக்கோணம் ரயில்வே போலீஸாா் பிரேத பரிசோதனைக்காக அரக்கோணம் அரசு மருத்துவமனைக்கு அனுப்பி வைத்தனா். ரயில் தண்டவாளத்தை கடக்கும்போது, ரயில் மோதி அவா் இறந்திருக்கக்கூடும் என்று போலீஸாா் தெரிவித்தனா். இச்சம்பவம் தொடா்பாக வழக்குபதிந்து போலீஸாா் விசாரணை செய்து வருகின்றனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai