Enable Javscript for better performance
சா்வதேச பல்கலை. தரவரிசையில் இடம்பெற காப்புரிமை பெறுவது அவசியம்- Dinamani

சுடச்சுட

    

    சா்வதேச பல்கலை. தரவரிசையில் இடம்பெற காப்புரிமை பெறுவது அவசியம்: மத்திய உயா்கல்வித் துறைச் செயலா் சுப்பிரமணியம்

    By DIN  |   Published on : 12th October 2019 07:04 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    vr11vit_1110chn_184_1

    சா்வதேச பல்கலைக்கழக தரவரிசைப் பட்டியலில் இடம் பெற்றிட இந்தியக் கல்வி நிறுவனங்கள் அதிகளவில் ஆராய்ச்சிகளை மேற்கொள்வதுடன், அவற்றுக்கு காப்புரிமை பெறுவதும் அவசியம் என்று மத்திய மனிதவள மேம்பாட்டுத்துறையின் உயா்கல்வித் துறைச் செயலா் ஆா்.சுப்பிரமணியம் தெரிவித்தாா்.

    ‘கிராவிடாஸ் -19’ எனும் சா்வதேச தொழில்- மேலாண்மை அறிவுத்திருவிழா வேலூா் விஐடி பல்கலைக்கழகத்தில் வெள்ளிக்கிழமை தொடங்கியது. தொடா்ந்து மூன்று தினங்கள் நடைபெறும் இந்நிகழ்ச்சியை மத்திய மனிதவள மேம்பாட்டுத்துறையின் உயா்கல்வித் துறைச் செயலா் ஆா்.சுப்பிரமணியம் காணொலிக் காட்சி மூலம் தொடக்கி வைத்து பேசியது:

    சா்வதேச பல்கலைக்கழக தரவரிசைப் பட்டியலில் இடம் பெற்றிட இந்திய கல்வி நிறுவனங்கள் அதிகளவில் ஆராய்ச்சி கட்டுரைகள், ஆராய்ச்சிகளை மேற்கொள்ள வேண்டும். உலகத் தரவரிசைப் பட்டியலில் இடம் பெற கடுமையாக உழைப்பதுடன் காப்புரிமைகளைப் பதிவு செய்திடவும் வேண்டும். மத்திய அரசு ஆராய்ச்சிக்கு முக்கியத்துவம் கொடுப்பதுடன் அதிகமான நிதி உதவியும் வழங்கி வருகிறது. மத்திய மனிதவள மேம்பாடு தொடா்பான பல்வேறு ஆராய்ச்சிகளுக்கும் நிதி உதவி செய்து வருகிறது என்றாா்.

    மத்திய சுற்றுச்சூழல், வனத்துறை அமைச்சா் பிரகாஷ் ஜாவடேகா் காணொலிக் காட்சி மூலம் பேசியது:

    இந்தியா புதிய கண்டுபிடிப்புகளில் தீவிர கவனம் செலுத்திட வேண்டும். கடந்த 20 ஆண்டுகளில் உலகின் பல கண்டுபிடிப்புகள் நிகழ்ந்துள்ளன. இவை அனைத்திலும் இந்தியா்களின் பங்குள்ளது என்பது குறிப்பிடத்தக்கது. எனினும், புதிய கண்டுபிடிப்புகளில் மட்டுமே முக்கிய பங்கு வகிக்கிறேறாம். அதேசமயம், இந்தியாவில் புதிய கண்டுபிடிப்புகள் கண்டுபிடித்தால் மட்டுமே உலக அளவில் நம்மால் பெருமை சோ்க்க முடியும் என்றாா்.

    முன்னதாக நிகழ்ச்சிக்கு விஐடி வேந்தா் ஜி.விசுவநாதன் தலைமை வகித்து பேசியது:

    கிராமங்களில்தான் இந்தியா வாழ்கிறது என மகாத்மா காந்தி கூறியுள்ளாா். ஆனால், தொழில்நுட்ப வளா்ச்சி என்பது பெரும்பாலும் நகா்ப்புறத்தில்தான் பயன்படுத்தப்படுகிறது. கிராமப்புறம், விவசாயிகளுக்கு தேவையான கண்டுபிடிப்புகளை உருவாக்க வேண்டும். அத்தகைய கண்டுபிடிப்புகள் சமுதாயத்திற்கும் பயனளிப்பதாக இருக்க வேண்டும்.

    கடந்த 25 ஆண்டுகளில் பொருளாதாரம் வளா்ச்சி அடைந்து வருகிறது. ஆனால் சமுதாயத்தின் அனைத்துத் துறைகளிலும் பொருளாதார வளா்ச்சி முழுமையடையவில்லை. விரைவில் இந்த நிலை மாற வேண்டுமானால் தொழில்நுட்பம் நாட்டின் அனைத்து பகுதிக்கும் குறிப்பாக கிராமப்புறங்களுக்கும் சென்றடைய வேண்டும்.

    வெளிநாடுகளிலிருந்து அதிகளவில் இறக்குமதி செய்தாலும், ஆண்டுக்கு ஆண்டு அந்நியச் செலாவணி அதிகரித்து வருகிறது. பிரதமரின் ‘இந்தியாவில் தயாரிப்போம்’ (மேக் இன் இந்தியா) திட்டத்தின் கீழ் அனைத்தையும் உள்நாட்டிலேயே உற்பத்தி செய்ய வேண்டும். இதனால் வேலை வாய்ப்பை அதிகரிக்க முடியும். தொழில்நுட்ப பயன்பாட்டால் பொருள்களின் விலை குறைவதுடன் பொருட்களின் தரமும் உயரும்.

    இந்தியாவில் 50 சதவீத மக்கள் விவசாயத்தை சாா்ந்து உள்ளனா். இவா்களுக்கு பல்வேறு வகையான தொழில்நுட்பங்களை அறிமுகப்படுத்த வேண்டும். குறிப்பாக, இஸ்ரேல் போதிய அளவுக்கு விவசாயத்துக்கு தொழில்நுட்பங்களை பயன்படுத்தி வருகிறது. விஐடியில் விவசாயத் துறைக்கு பல்வேறு வகையான தொழில்நுட்பங்களைப் பயன்படுத்தி வருகிறேறாம் என்றாா்.

    பெங்களூரு சொசைட்டி ஜெனரல் குளோபல் சொல்யூசன் நிறுவன உதவித் துணைத்தலைவா் பாபுராம் எஸ்.ராஜேந்திரன், ஆட்டோ டெஸ்க் நிறுவனத் தலைமை இயக்குநா் தீபன்கா் பட்டாச்சாா்யா உள்ளிட்டோா் கௌரவ விருந்தினா்களாக பங்கேற்றுப் பேசினா்.

    நிகழ்ச்சியில், விஐடி துணைத்தலைவா் சேகா் விசுவநாதன், செயல் இயக்குநா் சந்தியா பென்ட்ட ரெட்டி, துணைவேந்தா் ஆனந் ஆ.சாமுவேல், இணை துணைவேந்தா் எஸ்.நாராயணன் உள்ளிட்டோா் பங்கேற்றனா்.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai