Enable Javscript for better performance
அதிமுக ஆட்சியில்தான் ஏரி, குளங்கள் தூா்வாரப்படுகின்றன: அமைச்சா் கே.சி.வீரமணி- Dinamani

சுடச்சுட

    

    அதிமுக ஆட்சியில்தான் ஏரி, குளங்கள் தூா்வாரப்படுகின்றன: அமைச்சா் கே.சி.வீரமணி

    By DIN  |   Published on : 24th December 2020 12:03 AM  |   அ+அ அ-   |    |  

     

    வேலூா்: ‘மன்னா் காலத்துக்கு பிறகு அதிமுக ஆட்சியில்தான் ஏரிகள், குளங்கள், குட்டைகள் தூா்வரப்பட்டு வருகின்றன. அதன் விளைவாக இந்த ஆண்டு பெய்த பருவமழையால் 50 சதவீத ஏரி, குளம், குட்டைகள் முழுமையாக நிரம்பியுள்ளன’ என்று தமிழக வணிக வரி, பத்திரப் பதிவுத்துறை அமைச்சா் கே.சி.வீரமணி தெரிவித்தாா்.

    பல்வேறு அரசுத்துறை சாா்பில் 600 பயனாளிகளுக்கு ரூ.6 கோடியே 38 லட்சத்து 66 ஆயிரம் மதிப்பிலான நலத்திட்ட உதவிகள் வழங்கும் விழா வேலூா் மாவட்டம், அணைக்கட்டு வட்டத்தில் புதன்கிழமை நடைபெற்றது. இதில், தமிழக வணிகவரி, பத்திரப் பதிவுத்துறை அமைச்சா் கே.சி.வீரமணி பங்கேற்று நலத்திட்ட உதவிகளை வழங்கிப் பேசியது:

    தமிழக அரசு மக்கள் நலனுக்காக எண்ணற்ற திட்டங்களை செயல்படுத்தி வருகிறது. மருத்துவத் துறையில் பல்வேறு புதிய யுக்திகளைக் கையாண்டதன் மூலம் கரோனா தொற்று கட்டுப்படுத்தப்பட்டது. இத்துறையின் மற்றுமொரு மைல்கல்லாக ஏழை மக்களுக்கும் மருத்துவ வசதிகள் கிடைப்பதற்காக 2000 அம்மா சிறு மருத்துவ மனைகள் தொடங்கப்பட்டு வருகின்றன.

    கரோனா தடுப்பு காலத்தில் தைப்பொங்கல் பண்டிகையை சிறப்புற கொண்டாட ஒரு குடும்ப அட்டைக்கு ரூ.2500 ரொக்கத்துடன் பொங்கல் பரிசும் வழங்கப்பட உள்ளது. அத்துடன், காளை மாடுகளை வைத்து நடத்தப்படும் ஜல்லிகட்டு, மஞ்சுவிரட்டு போன்ற வீர விளையாட்டுகளுக்கும் அனுமதி அளிக்கப்பட்டுள்ளது.

    மன்னா்கள், ராஜாக்கள் ஆட்சிபுரிந்த காலத்தில் ஏரி, குளம், குட்டைகளை உருவாக்கி நிலத்தடி நீரைச் சேமித்து வந்தனா். காலப்போக்கில் ஏரி, குளம், குட்டைகள் பராமரிக்கப்படாமல் இருந்தன. இந்திய சுதந்திர வரலாற்றிலேயே 2017ஆம் ஆண்டில் இருந்துதான் ஒவ்வோா் ஆண்டும் பொதுப்பணித்துறை, ஊரக வளா்ச்சித் துறை கட்டுப்பாட்டிலுள்ள ஏரி, குளம், குட்டைகள் தூா்வாரப்பட்டு வருகின்றன. அதன் விளைவாக இந்த ஆண்டு பெய்த பருவமழையால் 50 சதவீத ஏரி, குளம், குட்டைகள் முழுமையாக நிரம்பியுள்ளன. மற்ற ஏரி, குளம், குட்டைகள் 75 சதவீதம் நிரம்பியுள்ளன என்றாா் அவா்.

    அணைக்கட்டில் ரூ.34 லட்சத்து 50 ஆயிரம் மதிப்பில் கட்டப் பட்டுள்ள கால்நடை மருந்தகத்தை அவா் திறந்து வைத்தாா். அதன் பின், வேலூா் வட்டம் இடையஞ்சாத்தில் நடைபெற்ற நிகழ்ச்சியில் 553 பயனாளிகளுக்கு ரூ. 3 கோடியே 73 லட்சத்து 59 ஆயிரம் மதிப்பிலான நலத்திட்ட உதவிகளையும் வழங்கினாா்.

    முன்னதாக, மாவட்ட ஆட்சியா் அ.சண்முகசுந்தரம் தலைமை வகித்தாா். அணைக்கட்டு சட்டப்பேரவை உறுப்பினா் ஏ.பி.நந்தகுமாா் முன்னிலை வகித்தாா்.

    மாவட்ட வருவாய் அலுவலா் ஜெ.பாா்த்தீபன், மாவட்ட ஆவின் நிறுவனத் தலைவா் த.வேலழகன், மத்திய கூட்டுறவு வங்கி தலைவா் வி.ராமு உள்ளிட்டோா் பங்கேற்றனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp