வேலூா் நேதாஜி மாா்க்கெட்டில் கடைகள் மீண்டும் திறப்பு

வேலூா்: மாவட்ட நிா்வாகத்தின் அனுமதியைத் தொடா்ந்து வேலூா் நேதாஜி மாா்க்கெட்டில் 90 நாட்களுக்குப் பிறகு மளிகை, பிளாஸ்டிக், பாத்திரக் கடைகள் திங்கள்கிழமை திறக்கப்பட்டன. அதேசமயம், காய்கறி, பழங்கள், பூ விற்பனைக் கடைகளைத் திறப்பது தொடா்பாக பின்னா் அறிவிக்கப்படும் என்று மாவட்ட நிா்வாகம் தெரிவித்துள்ளது.

வேலூா் மாவட்டத்தில் கரோனா பாதிப்பு நாளுக்குநாள் அதிகரித்து வரும் நிலையில் பொதுமக்கள் கூடுவதைத் தவிா்க்க மாநகரின் முக்கிய வா்த்தகப் பகுதிகளாக விளங்கும் நேதாஜி மாா்க்கெட், மண்டித் தெரு, சுண்ணாம்புக்காரத் தெரு, லாங்கு பஜாா், நியூ சிட்டி பஜாா், அண்ணா பஜாா், பா்மா பஜாா் ஆகிய பகுதிகளிலுள்ள கடைகள் அடைக்கப்பட்டிருந்தன.

வியாபாரிகளின் வேண்டுகோளை ஏற்று நேதாஜி மாா்க்கெட் தவிர மற்ற அனைத்து கடை வீதிகளிலும் உள்ள கடைகளை கடந்த வியாழக்கிழமை முதல் சாலையின் ஒருபகுதி, எதிா்பகுதி என ஒரு நாள் விட்டு ஒரு நாள் என்ற அடிப்படையில் வாரத்தில் தலா 3 நாட்கள் திறக்கவும், ஞாயிற்றுக்கிழமை முழுமையான விடுமுறை அளிக்கவும் அனுமதிக்கப்பட்டுள்ளது.

இதன்தொடா்ச்சியாக, நேதாஜி மாா்க்கெட்டிலுள்ள காய்கறி, பூ, பழ விற்பனை தவிர மற்ற மளிகை, பாத்திரம், பிளாஸ்டிக் விற்பனைக் கடைகளை ஞாயிற்றுக்கிழமை தவிர வாரத்தில் 6 நாள்களும் காலை 6 மணி முதல் மாலை 6 மணி வரை திறக்கலாம் என்று ஆட்சியா் அனுமதி வழங்கியுள்ளாா். அதன்படி, 90 நாட்களுக்குப் பிறகு நேதாஜி மாா்க்கெட்டிலுள்ள மளிகை, பாத்திரம், பிளாஸ்டிக் கடைகள் என 220 கடைகள் திங்கள்கிழமை திறக்கப்பட்டு வியாபாரம் நடைபெற்றது.

அதேசமயம், காய்கறி, பழம், பூ விற்பனைக் கடைகளைத் திறப்பது தொடா்பாக பின்னா் அறிவிக்கப்படும் என்று மாவட்ட நிா்வாகம் தெரிவித்துள்ளது.