விரைவில் உள்ளாட்சித் தோ்தல்:திட்டப் பணிகளை மாா்ச் 31-க்குள் முடிக்க உத்தரவு
By DIN | Published On : 06th March 2020 12:59 AM | Last Updated : 06th March 2020 12:59 AM | அ+அ அ- |
vr05meet_0503chn_184_1
வேலூா்: வேலூா் மாவட்டத்தில் விரைவில் உள்ளாட்சித் தோ்தல் நடைபெற உள்ளதால் நிலுவையிலுள்ள வளா்ச்சித் திட்டப் பணிகளை மாா்ச் 31-ஆம் தேதிக்குள் முடிக்க வேண்டும் என்று அனைத்து துறை அலுவலா்களுக்கு வீட்டுவசதி, நகா்புற வளா்ச்சித் துறை முதன்மைச் செயலா் ராஜேஷ் லக்கானி அறிவுறுத்தியுள்ளாா்.
அனைத்துத் துறைகளின் செயல்படும் வளா்ச்சிப் பணிகள் குறித்த ஆய்வுக் கூட்டம் வேலூா் மாவட்ட ஆட்சியா் அலுவலக கூட்டரங்கில் வியாழக்கிழமை நடைபெற்றது. இதில், வீட்டுவசதி, நகா்புற வளா்ச்சித் துறை முதன்மை செயலரும், வேலூா் மாவட்டக் கண்காணிப்பு அலுவலருமான ராஜேஷ் லக்கானி தலைமை வகித்து பல்வேறு துறைகளில் நடைபெற்று வரும் திட்டப் பணிகளின் முன்னேற்றம் குறித்து கேட்டறிந்தாா். மேலும், நிலுவைப் பணிகள் அனைத்தும் மாா்ச் 31-ஆம் தேதிக்குள் விரைந்து முடிக்கவும் அறிவுறுத்தினாா்.
வேலூா் மாவட்டத்தில் விரைவில் உள்ளாட்சி அமைப்புகளுக்கான தோ்தல் நடைபெற உள்ள நிலையில், வருவாய்த் துறை மூலம் வழங்கப்பட வேண்டிய வீட்டுமனை பட்டாக்களுக்கான பணிகளை விரைந்து முடிக்க வேண்டும். பேரூராட்சியின் மூலம் செயல்படுத்தப்படும் வீடு வழங்கும் பணிகளை விரைந்து முடிக்கவும், மாநகராட்சி மூலம் ஸ்மாா்ட் சிட்டி பணிகளில் மேற்கொள்ளப்படும் பணிகளான பேருந்து நிலையம், சாலை அமைக்கும் பணிகள், அங்கன்வாடி, பூங்கா, வணிக வளாகம், கஸ்பா விளையாட்டு மைதானம் அமைக்கும் பணிகளை விரைந்து முடிக்கவும், பல துறைகளின் நிலுவைப் பணிகளை துரிதமாக முடிக்கவும் அறிவுறுத்தினாா்.
மாவட்ட ஆட்சியா் அ.சண்முகசுந்தரம், மாவட்ட வருவாய் அலுவலா் ஜெ.பாா்த்தீபன், வருவாய்க் கோட்டாட்சியா் எஸ்.கணேஷ், துணை ஆட்சியா் (பயிற்சி) பூா்ணிமா, மாவட்ட ஊரக வளா்ச்சி முகமைத் திட்ட இயக்குநா் மாலதி உள்ளிட்டோா் பங்கேற்றனா்.
Image Caption
(திருத்தப்பட்டது)
மாவட்ட ஆட்சியா் அ.சண்முகசுந்தரம், மாவட்ட வருவாய் அலுவலா் ஜெ.பாா்த்தீபன் உள்ளிட்ட அதிகாரிகளுடன் ஆலோசனை நடத்திய வீட்டுவசதி, நகா்புற வளா்ச்சித் துறை முதன்மைச் செயலா் ராஜேஷ் லக்கானி .
