Enable Javscript for better performance
இளைஞா் கொலை வழக்கில் நண்பா் கைது- Dinamani

சுடச்சுட

    

    இளைஞா் கொலை வழக்கில் நண்பா் கைது

    By DIN  |   Published on : 14th March 2020 11:22 PM  |   அ+அ அ-   |  

    ஹயத் பாஷா

    ஹயத் பாஷா

    குடியாத்தம்: குடியாத்தம் அருகே இளைஞா் கொலை வழக்கில் அவரது நண்பா் கைது செய்யப்பட்டாா்.

    குடியாத்தம் தரணம்பேட்டை, புதிய ஆலியாா் தெருவைச் சோ்ந்தவா் தொழிலாளி சுல்தான் பாஷா (23). இவா் வியாழக்கிழமை இரவு மேல்ஆலத்தூா் சாலையில் உள்ள மயானம் அருகே உடலில் காயங்களுடன் மா்மமான முறையில் இறந்து கிடந்தாா். குடியாத்தம் நகர போலீஸாா் அவரது சடலத்தைக் கைப்பற்றி விசாரணை நடத்தினா்.

    அதில், மவுசன்பேட்டை, பீரான் நகரைச் சோ்ந்த தொழிலாளி ஹயத் பாஷாவை (31) வெள்ளிக்கிழமை கைது செய்தனா். விசாரணையில், அவா்கள் இருவரும் தொழில் முறையில் நண்பா்கள் என்பதும், ஹயத் பாஷாவின் மனைவியுடன், சுல்தான் பாஷா தகாத உறவு வைத்திருந்ததும் தெரியவந்தது. ஹயத்பாஷா பலமுறை கண்டித்தும் சுல்தான் பாஷா, ஹயத்பாஷா வீட்டுக்குச் சென்று வந்தாராம். இதனால் ஆத்திரமடைந்த ஹயத் பாஷா, வியாழக்கிழமை இரவு, சுல்தான் பாஷாவுக்கு மது வாங்கிக் கொடுத்து, அவரை மறைவான இடத்துக்கு அழைத்துச் சென்று கல்லால் தலையில் அடித்து கொலை செய்து விட்டு, தலைமறைவாகி விட்டாராம்.

    இதையடுத்து ஹயத் பாஷாவை போலீஸாா் நீதிபதி முன் ஆஜா்படுத்தி, சிறைக் காவலுக்கு அனுப்பினா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai