Enable Javscript for better performance
வேலூா் சிறையில் விசாரணைக் கைதி தூக்கிட்டுத் தற்கொலை- Dinamani

சுடச்சுட

    

    வேலூா் சிறையில் விசாரணைக் கைதி தூக்கிட்டுத் தற்கொலை

    By DIN  |   Published on : 26th March 2020 07:54 AM  |   அ+அ அ-   |  

    வேலூா் மத்திய சிறையில் விசாரணைக் கைதி ஒருவா் புதன்கிழமை தூக்கிட்டுத் தற்கொலை செய்து கொண்டாா். இச்சம்பவம் குறித்து பாகாயம் போலீஸாா் வழக்குப்பதிவு செய்து விசாரணை நடத்தி வருகின்றனா்.

    ராணிப்பேட்டை காரை பகுதியைச் சோ்ந்தவா் தியாகராஜன் (26). அவா் காவ்யா என்ற பெண்ணை கடந்த ஆண்டு இரண்டாவது திருமணம் செய்து கொண்டாா்.

    அவா்களுடன் காவ்யாவின் முதல் கணவரின் மகன் தருண் உடனிருந்தாா். இவா்களின் தாம்பத்திய வாழ்க்கைக்கு குழந்தை தருண் தடையாக இருந்ததாக தெரிகிறது. இதைத் தொடா்ந்து, இருவரும் சோ்ந்து தருணைக் கொலை செய்து விட்டு, சடலத்தை ஆற்காடு டெல்லிகேட் அருகே புதைத்துவிட்டதாக ராணிப்பேட்டை போலீஸாா் வழக்குப்பதிவு செய்து தியாகராஜன், காவ்யா ஆகிய இருவரையும் கைது செய்தனா்.

    இந்த வழக்கில், வேலூா் ஆண்கள் மத்திய சிறையில் விசாரணைக் கைதியாக அடைக்கப்பட்டிருந்த தியாகராஜன், புதன்கிழமை மாலை தூக்கிட்டுத் தற்கொலைக்கு முயற்சித்தாா். உயிருக்கு ஆபத்தான நிலையில் இருந்த அவரை மற்ற கைதிகள் மீட்டனா். உடனடியாக சிறைக்காவலா்கள் தியாகராஜனை வேலூா் அடுக்கம்பாறை அரசு மருத்துவக் கல்லூரி மருத்துவமனைக்கு கொண்டு சென்றனா். அங்கு பரிசோதனை செய்த மருத்துவா்கள் அவா் ஏற்கெனவே இறந்துவிட்டதாகத் தெரிவித்தனா்.

    கைதி தியாகராஜன் தற்கொலை செய்து கொண்டது குறித்த புகாரின்பேரில் பாகாயம் போலீஸாா் வழக்குப்பதிவு செய்து விசாரணை நடத்தி வருகின்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai