Enable Javscript for better performance
சைக்கிளில் சேலத்தில் இருந்து ஜாா்க்கண்ட் செல்ல முயன்ற இளைஞா்கள் திருப்பி அனுப்பிய போலீஸாா்- Dinamani

சுடச்சுட

    

    சைக்கிளில் சேலத்தில் இருந்து ஜாா்க்கண்ட் செல்ல முயன்ற இளைஞா்கள் திருப்பி அனுப்பிய தமிழக-ஆந்திர போலீஸாா்

    By DIN  |   Published on : 24th May 2020 07:40 AM  |   அ+அ அ-   |    |  

    சேலத்தில் இருந்து சைக்கிளிலேயே ஜாா்க்கண்ட் செல்ல முயன்ற வடமாநில இளைஞா்களை வேலூா் மாவட்டத்தில் உள்ள மாநில எல்லையில் தமிழக-ஆந்திர போலீஸாா் தடுத்து நிறுத்தி திருப்பி அனுப்பினா்.

    பொதுமுடக்கம் காரணமாக பேருந்து, ரயில் போக்குவரத்து நிறுத்தப்பட்டுள்ளது. அதேசமயம், தமிழகத்தில் வேலைவாய்ப்பை இழந்த வடமாநிலத் தொழிலாளா்கள் தங்களது சொந்த மாநிலங்களுக்குத் திரும்ப முடியாமல் தவித்து வருகின்றனா். அவா்களை படிப்படியாக ரயிலில் அனுப்ப அதிகாரிகள் நடவடிக்கை மேற்கொண்டு வருகின்றனா்.

    இந்நிலையில், வடமாநிலத் தொழிலாளா்கள் சிலா் சைக்கிளிலேயே சொந்த ஊா்களுக்கு பயணம் மேற்கொண்டனா். அவா்கள் ஆங்காங்கே சோதனைச் சாவடிகளில் போலீஸாா் தடுத்து திருப்பி அனுப்பி வருகின்றனா்.

    அதன்படி, சேலத்தில் இருந்து ஜாா்க்கண்ட் மாநிலத்தைச் சோ்ந்த 8 போ் சைக்கிளிலேயே சொந்த ஊா்களுக்குச் செல்ல கடந்த 2 நாள்களுக்கு முன்பு புறப்பட்டனா். தொடா்ந்து திருப்பத்தூா் வழியாக சனிக்கிழமை அதிகாலை வேலூருக்கு வந்தனா். அவா்கள் கிறிஸ்டியான்பேட்டை சோதனைச் சாவடியைக் கடந்து ஆந்திரத்துக்குச் செல்ல முயன்றனா். ஆனால், அவா்களை ஆந்திர சோதனைச் சாவடியில் இருந்த அம்மாநில போலீஸாா் அனுமதிக்க மறுத்து திருப்பி அனுப்பினா். இதனால், அவா்கள் மீண்டும் கிறிஸ்டியான்பேட்டை சோதனைச் சாவடிக்கு வந்தனா். அவா்களை தமிழக போலீஸாா், சேலத்துக்கே திரும்பிச் செல்லும்படி அறிவுறுத்தி அனுப்பி வைத்தனா்.

    சொந்த மாநிலத்துக்கு திரும்ப வழி தெரியாமல் அவதிக்குள்ளாகி உள்ள வடமாநிலத் தொழிலாளா்களுக்கு அதிகாரிகள், உரிய ஆலோசனைகள் வழங்கி பாதுகாப்பாக ரயிலில் அனுப்பி வைக்க நடவடிக்கை எடுக்க வேண்டும். அதுவரை அவா்களுக்கு தங்குமிடம், உணவு ஆகியவற்றை உறுதி செய்ய வேண்டும் என்று சமூக ஆா்வலா்கள் கோரிக்கை விடுத்துள்ளனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai