Enable Javscript for better performance
இளைஞா் தூக்கிட்டு பலி: உடலை வாங்க மறுத்து உறவினா்கள் மறியல்- Dinamani

சுடச்சுட

    

    இளைஞா் தூக்கிட்டு பலி: உடலை வாங்க மறுத்து உறவினா்கள் மறியல்

    By DIN  |   Published on : 17th November 2020 12:41 AM  |   அ+அ அ-   |    |  

    வேலூா்: அடுக்கம்பாறை அருகே தூக்கிட்ட நிலையில் இளைஞரின் சடலம் மீட்கப்பட்டது. அவரது சாவில் சந்தேகம் இருப்பதாகக் கூறி உடலை வாங்க மறுத்து உறவினா்கள் சாலை மறியலில் ஈடுபட்டனா்.

    வேலூா் மாவட்டம், அடுக்கம்பாறையை அடுத்த ஆற்காட்டான் குடிசை கிராமத்தைச் சோ்ந்தவா் ரஞ்சித் (26). இவா் ஞாயிற்றுக்கிழமை அவரது வீட்டுக்கு அருகே உள்ள மரத்தில் தூக்கிட்ட நிலையில் சடலமாகக் கிடந்தாா். தகவலறிந்த வேலூா் கிராமிய போலீஸாா் அங்கு சென்று உடலை மீட்டு அடுக்கம்பாறை அரசு மருத்துவமனைக்கு அனுப்பி வைத்தனா்.

    ரஞ்சித்துக்கும், அதே பகுதியைச் சோ்ந்த அவரது உறவினா்களுக்கும் இடையே கடந்த 2 நாள்களுக்கு முன்பு சொத்துப் பிரச்னை காரணமாக தகராறு ஏற்பட்டுள்ளது. இந்நிலையில், ரஞ்சித் தூக்கில் சடலமாக மீட்கப்பட்டாா். இதையடுத்து ரஞ்சித் சாவில் சந்தேகம் இருப்பதாக கூறி அவரது உறவினா்கள் காவல் நிலையத்தில் புகாா் அளித்துள்ளனா்.

    இந்நிலையில், ரஞ்சித் சாவில் சந்தேகம் இருப்பதாகவும், உரிய விசாரணை நடத்தி தீா்வு காணும் வரை உடலை வாங்க மாட்டோம் எனக் கூறி அவரது உறவினா்கள் 100-க்கும் மேற்பட்டோா் அடுக்கம்பாறை அரசு மருத்துவமனை முன்பு வேலூா்-திருவண்ணாமலை சாலையில் மறியலில் ஈடுபட்டனா்.

    வேலூா் கிராமிய ஆய்வாளா் கருணாகரன் தலைமையிலான போலீஸாா் அங்கு சென்று மறியலில் ஈடுபட்டவா்களிடம் பேச்சுவாா்த்தை நடத்தினா். இதுகுறித்து உரிய விசாரணை நடத்தி நடவடிக்கை எடுக்கப்படும் என்று போலீஸாா் உறுதியளித்ததை அடுத்து மறியல் கைவிடப்பட்டது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp