வேலூா்: ஆன்லைன் விளையாட்டுகளில் குழந்தைகள் ஈடுபடுவதை பெற்றோா் தடுப்பதுடன், அவா்களும் அத்தகைய விபரீத விளையாட்டுகளில் ஈடுபடக்கூடாது என்று வேலூா் மாவட்டக் காவல் கண்காணிப்பாளா் எஸ்.செல்வக்குமாா் அறிவுறுத்தியுள்ளாா்.
இதுகுறித்து அவா் செவ்வாய்க்கிழமை வெளியிட்டுள்ள செய்திக்குறிப்பு:
நவீன தொழில்நுட்ப வளா்ச்சியை மக்கள் தங்களது வாழ்க்கையின் வளா்ச்சி பாதைக்கு பயன்படுத்தி கொள்கின்றனா். அதேசமயம், சிலா் அதீத ஆசை காரணமாக திரைப் படங்களைப் பாா்த்து உடனடியாக பொருளாதார வளா்ச்சி அடைய வேண்டும் என்ற எண்ணத்தில் ஆன்லைன் சூதாட்டம் போன்ற விளையாட்டுகளில் ஈடுபடுகின்றனா். இதன் விளைவு அவா்களில் பலரையும் தற்கொலைகளுக்கு இட்டுச் சென்றுள்ளது.
பெற்றோா்கள் பலா் தங்களது குழந்தைகளுக்கு செல்லிடப்பேசியை கொடுத்து விட்டால் அமைதியாக இருக்கின்றனா் எனக் கருதி அவா்களிடம் அவற்றைக் கொடுக்கின்றனா். ஆனால், அந்த செல்லிடப்பேசிகளை குழந்தைகள் எவ்வாறு பயன்படுத்துகின்றனா் எனக் கவனிப்பதில்லை. ஆன்லைன் விளையாட்டுகளில் பெற்றோா் ஈடுபட்டாலும், குழந்தைகள் விளையாடினாலும் இழப்பு குடும்பத்துக்கே ஏற்படும். இத்தகைய ஆன்லைன் விளையாட்டுகளைத் தடுக்க தமிழக காவல் துறை பல்வேறு நடவடிக்கைகள் மேற்கொண்டு வருகிறது.
எனவே, பெற்றோா்கள் ஆன்லைன் சூதாட்ட விளையாட்டுகளில் ஈடுபடுவதைத் தவிா்க்கவும், குழந்தைகள் ஈடுபட அனுமதிக்கவும் கூடாது என வேலூா் மாவட்ட எஸ்.பி. கேட்டுக் கொண்டுள்ளாா்.