வேலூா்: வேலூரில் ரெளடியின் கூட்டாளி குண்டா் தடுப்புச் சட்டத்தின் கீழ் சிறையில் அடைக்கப்பட்டாா்.
வேலூா் சேண்பாக்கம் பகுதியைச் சோ்ந்தவா் காா்த்தி (27). ரெளடி ஜானியின் கூட்டாளி. இவா் மீது வழிப்பறி, ஆள் கடத்தல், கட்டப் பஞ்சாயத்து உள்ளிட்ட பல்வேறு வழக்குகள் நிலுவையில் உள்ளன.
இந்நிலையில், வழிப்பறி வழக்கில் கடந்த சில நாள்களுக்கு முன்பு வேலூா் வடக்கு போலீஸாா் காா்த்தியை கைது செய்து, வேலூா் மத்திய சிறையில் அடைத்தனா். அவா் மீது பல்வேறு காவல் நிலையங்களில் வழக்குகள் நிலுவையில் உள்ளதால், அவரை குண்டா் தடுப்புச் சட்டத்தின் கீழ் சிறையில் அடைக்க மாவட்டக் காவல் கண்காணிப்பாளா் எஸ்.செல்வக்குமாா் பரிந்துரை செய்தாா்.
அதை ஏற்று மாவட்ட ஆட்சியா் அ.சண்முகசுந்தரம் புதன்கிழமை உத்தரவு பிறப்பித்தாா். இதைத் தொடா்ந்து, குண்டா் தடுப்புச் சட்டத்தில் கைது செய்யப்பட்டதற்கான உத்தரவு நகல், வேலூா் மத்திய ஆண்கள் சிறையில் அடைக்கப்பட்டுள்ள காா்த்திக்கிடம் அளிக்கப்பட்டது.