Enable Javscript for better performance
காா்த்திகை மகா தீபம்: வேலூரில் இருந்து குறைந்த பயணிகளுடன் இயங்கிய திருவண்ணாமலை பேருந்துகள்- Dinamani

உடனுக்கு உடன் செய்திகள்

    காா்த்திகை மகா தீபம்: வேலூரில் இருந்து குறைந்த பயணிகளுடன் இயங்கிய திருவண்ணாமலை பேருந்துகள்

    By DIN  |   Published On : 30th November 2020 07:42 AM  |   Last Updated : 30th November 2020 07:42 AM  |  அ+அ அ-  |  

    vr29bus_2911chn_184_1

    திருவண்ணாமலைக்கு வர வெளியூா் பக்தா்களுக்கு தடை விதிக்கப்பட்டதால் வேலூரில் பயணிகள் கூட்டமின்றி காணப்பட்ட மக்கான் பேருந்து நிலையம்.

    திருவண்ணாமலை மகாதீபத்தையொட்டி, வெளியூா் பக்தா்களுக்கு தடை விதிக்கப்பட்டிருந்தால் வேலூா் மாவட்டத்தில் இருந்து மிகக் குறைந்த நபா்களே பயணம் செய்தனா்.

    இதையடுத்து, திருவண்ணாமலைக்கு 50 சதவீத பேருந்துகள் மட்டுமே இயக்கப்பட்டன.

    வேலூரில் இருந்து திருவண்ணாமலைக்கு வழக்கமாக நாளொன்றுக்கு 125 பேருந்துகள் இயக்கப்படும். ஆண்டுதோறும் காா்த்திகை திருவிழாவையொட்டி நடைபெறும் மகாதீப நாளிலும், பெளா்ணமி நாள்களிலும் அதிக அளவில் சிறப்புப் பேருந்துகளும் இயக்கப்படும்.

    இந்நிலையில், கரோனா நோய்த்தொற்றுத் தடுப்பு நடவடிக்கை காரணமாக ஞாயிற்றுக்கிழமை நடைபெற்ற திருவண்ணாமலை காா்த்திகை தீபத் திருவிழாவில் பக்தா்கள் தரிசனத்துக்கு கோயிலுக்குள் அனுமதிக்கப்படவில்லை. மகாதீப விழாவில் பங்கேற்வும், கிரிவலம் செல்லவும் தடை விதிக்கப்பட்டிருந்தது. வெளியூா் பக்தா்கள் திருவண்ணாமலைக்கு வர வேண்டாம் என அந்த மாவட்ட நிா்வாகத்தினரும், காவல்துறையினரும் அறிவுறுத்தியிருந்தனா்.

    இதுதொடா்பாக வேலூரில் உள்ள பழைய பேருந்து நிலையத்திலும், மக்கான் சிக்னல் அருகே உள்ள தற்காலிகப் பேருந்து நிலையத்திலும் அறிவிப்புப் பலகைகள் வைக்கப்பட்டிருந்தன. அவற்றில் ‘கரோனா தடுப்பு நடவடிக்கை காரணமாக திருவண்ணாமலை மகா தீபத் திருவிழாவில் பக்தா்களுக்கு அனுமதி மறுக்கப்படுகிறது. ஞாயிறு, திங்கள்கிழமை திருவண்ணாமலையில் கிரிவலம் செல்லவும், பக்தா்கள் சுவாமி தரிசனம் செய்யவும் தடை விதிக்கப்பட்டுள்ளது. இதனால் வெளியூா் பக்தா்கள் தீபத் திருவிழாவைக் காண திருவண்ணாமலைக்கு வர வேண்டாம்’ என்ற வாசகங்கள் இடம்பெற்றுள்ளன.

    இதையடுத்து, வேலூா் மாவட்டத்தில் இருந்து திருவண்ணாமலைக்கு செல்லும் பயணிகள் எண்ணிக்கை மிகவும் குறைவாக இருந்தது. மேலும் சிறப்புப் பேருந்துகளுக்கு தடை விதிக்கப்பட்டிருந்தது. வழக்கமாக இயக்கப்படும் பேருந்துகளிலும் 50 சதவீதம் மட்டுமே இயக்கப்பட்டன. அவற்றிலும் மிகக்குறைந்த பயணிகளே பயணம் செய்தனா்.

    திருவண்ணாமலைக்கு இயக்கப்பட்ட பேருந்துகளில் போலீஸாா் அனுமதி வழங்கிய ஸ்டிக்கா் ஒட்டப்பட்டிருந்தன. இந்த ஸ்டிக்கா் ஒட்டப்பட்ட பேருந்துகள் மட்டுமே திருவண்ணாமலை அண்ணா நுழைவு வாயில் வரை அனுமதிக்கப்பட்டன. எனினும், இந்தப் பேருந்துகளில் திருவண்ணாமலை கோயிலுக்கு செல்லக்கூடிய பக்தா்கள் அனுமதிக்கப்படவில்லை.

     

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp