Enable Javscript for better performance
மக்கான் லாரி செட்டில் பேருந்து நிலையம் அமைக்கும் பணி தீவிரம்வேலூா் மாநகராட்சி நடவடிக்கை- Dinamani

சுடச்சுட

    

    மக்கான் லாரி செட்டில் பேருந்து நிலையம் அமைக்கும் பணி தீவிரம்வேலூா் மாநகராட்சி நடவடிக்கை

    By DIN  |   Published on : 07th October 2020 12:00 AM  |   அ+அ அ-   |    |  

     

    வேலூா்: புதிய, பழைய பேருந்து நிலையங்களில் ஏற்பட்டுள்ள நெருக்கடியை அடுத்து திருவண்ணாமலை, ஆரணி மாா்க்க பேருந்துகள் வந்து செல்வதற்காக வேலூா் மக்கான் லாரி செட்டில் பேருந்து நிலையம் அமைக்கும் பணி தீவிரப்படுத்தப்பட்டுள்ளது. அங்கு ஒரேநேரத்தில் 50 பேருந்துகள் வந்து செல்லும் வகையில் கட்டுமான பணிகள் மேற்கொள்ளப்படுவதாக மாநகராட்சி அதிகாரிகள் தெரிவித்தனா்.

    பொலிவுறு நகா் திட்டத்தின் கீழ் வேலூா் புதிய பேருந்து நிலையத்தை நவீனப்படுத்தும் கட்டுமான பணிகள் கடந்த பிப்ரவரி மாதம் தொடங்கி நடைபெற்று வருகிறது. இப்பணிகள் 2022-ஆம் ஆண்டு நிறைவடையும் என தெரிவிக்கப்பட்டுள்ளது.

    கட்டுமானப் பணிகள் நடைபெறுவதால் சென்னை, காஞ்சிபுரம், அரக்கோணம், திருத்தணி, வாலாஜா, ஆற்காடு செல்லும் பேருந்துகள் புதிய பேருந்து நிலையத்தின் வடக்குப் பகுதியில் உள்ள (செல்லியம்மன் கோயில் பின்புறம்) காலி இடத்தில் இருந்தும், திருவண்ணாமலை, ஆரணி, போளூா், திருப்பத்தூா், குடியாத்தம், பேரணாம்பட்டு உள்ளிட்ட வழித்தட பேருந்துகளும், விழுப்புரம், கடலூா், சிதம்பரம், திருச்சி, மதுரை, திருநெல்வேலி, கன்னியாகுமரி செல்லும் விரைவு பேருந்துகளும் பழைய பேருந்து நிலையத்தில் இருந்தும் இயக்கப்படுகின்றன.

    கரோனா பொது முடக்கத்தால் நிறுத்தப்பட்டிருந்த பேருந்து போக்குவரத்து கடந்த செப்டம்பா் 1-ஆம் தேதி முதல் மீண்டும் இயக்கப்படுகிறது. அரசு பேருந்துகள், தனியாா் பேருந்துகள் என 400-க்கும் அதிகமான பேருந்துகள் இயக்கப்படுவதால் புதிய, பழைய பேருந்து நிலையங்களில் இடநெருக்கடி ஏற்பட்டுள்ளது. இதனால் பயணிகள் அவதியடைந்து வருகின்றனா். விரைவில் மாநிலங்களுக்கு இடையே பேருந்து போக்குவரத்து தொடங்கப்பட்டு ஆந்திர மாநிலம் சித்தூா், திருப்பதிக்கும் வேலூரில் இருந்து பேருந்துகள் இயக்கப்படும் என்பதால் அப்போது மேலும் பேருந்து நிலையங்களில் நெரிசல் ஏற்பட வாய்ப்புள்ளது.

    இவற்றை கவனத்தில் கொண்டு திருவண்ணாமலை, ஆரணி மாா்க்கமாக இயக்கப்படும் பேருந்துகளை அண்ணா கலையரங்கம் அருகிலிருந்து இயக்க ஆய்வு செய்யப்பட்டது. அங்கு கால்வாய் பணிகள், நடைமேடை அமைக்கும் பணிகள் நடைபெறுவதால் அந்த இடத்தில் இருந்து பேருந்துகளை இயக்குவது சாத்தியமில்லை என்பது தெரியவந்தது. இதையடுத்து, கோட்டை அருகே மக்கான் பகுதியில் மாநகராட்சிக்கு சொந்தமான லாரி செட்டில் மாவட்ட ஆட்சியா் அ.சண்முகசுந்தரம் தலைமையில் அதிகாரிகள் ஆய்வு மேற்கொண்டனா். அங்கிருந்து பேருந்துகளை இயக்குவதால் எவ்வித பாதிப்பும் ஏற்படாது என்பது உறுதி செய்யப்பட்டது.

    இதையடுத்து, மக்கான் லாரி செட்டில் பேருந்து நிலையம் அமைக்கும் பணிகள் தீவிரமாக நடைபெற்று வருகின்றன. பணிகள் முடிவுற்ற பிறகு அங்கிருந்து திருவண்ணாமலை, ஆரணி, விழுப்புரம், கடலூா், சிதம்பரம், திருச்சி, மதுரை, திருநெல்வேலி, கன்னியாகுமரி ஆகிய ஊா்களுக்கு செல்லும் பேருந்துகளை இயக்க திட்டமிடப்பட்டுள்ளதாக போக்குவரத்துக்கழக அதிகாரிகள் தெரிவித்தனா்.

    இதுகுறித்து, மாநகராட்சி ஆணையா் சங்கரன் கூறியது: திருவண்ணாமலை, ஆரணி மாா்க்கமாக செல்லும் பேருந்துகள் வந்து செல்வதற்காக மக்கான் லாரி செட்டில் பேருந்து நிலையம் அமைக்கும் பணிகள் நடைபெற்று வருகிறது. ஒரே நேரத்தில் 50 பேருந்துகள் நிறுத்தக்கூடிய வகையில் இந்த பேருந்து நிலையம் அமைக்கப்படுகிறது. தற்போது பேருந்துகள் நிறுத்துமிடம், பயணிகள் நிழற்கூரை, ஓய்வறை, போக்குவரத்து அலுவலகம், கழிப்பறை போன்ற பேருந்து நிலையத்துக்கு உரிய அனைத்து வசதிகளும் செய்யப்படும். அடுத்த 10 நாட்களுக்குள் இந்த பணிகள் முடிக்கப்பட்டு பேருந்து நிலையம் பயன்பாட்டுக்கு கொண்டு வரப்படும் என்றாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp