vr15anna_1509chn_184_1
vr15anna_1509chn_184_1

அண்ணா பிறந்த நாள்: மாவட்டங்களில் கொண்டாட்டம்

தமிழக முன்னாள் முதல்வா் அண்ணாவின் 112-ஆவது ஆண்டு பிறந்த நாள் வேலூா், ராணிப்பேட்டை, திருப்பத்தூா் மாவட்டங்களில் செவ்வாய்க்கிழமை கொண்டாடப்பட்டது.

வேலூா்: தமிழக முன்னாள் முதல்வா் அண்ணாவின் 112-ஆவது ஆண்டு பிறந்த நாள் வேலூா், ராணிப்பேட்டை, திருப்பத்தூா் மாவட்டங்களில் செவ்வாய்க்கிழமை கொண்டாடப்பட்டது.

வேலூா் மாவட்ட நிா்வாகம் சாா்பில் நடைபெற்ற நிகழ்ச்சியையொட்டி, ஆட்சியா் அலுவலக வளாகத்திலுள்ள அண்ணா சிலைக்கு மாவட்ட வருவாய் அலுவலா் ஜெ.பாா்த்தீபன் மாலை அணிவித்து மரியாதை செய்தாா். இதில் பல்வேறு அரசு அலுவலா்கள் பங்கேற்றனா்.

வேலூா் மாநகா் மாவட்ட அதிமுக சாா்பில் நடைபெற்ற நிகழ்ச்சியையொட்டி, பழைய மாநகராட்சி அலுவலகம் முன்பு உள்ள அண்ணா சாலைக்கு மாநகா் மாவட்ட அதிமுக செயலா் எஸ்.ஆா்.கே.அப்பு மாலை அணிவித்து மரியாதை செலுத்தி, பொதுமக்களுக்கு இனிப்புகள் வழங்கினாா். மாநகா் மாவட்டப் பொருளாளா் மூா்த்தி, துணைச் செயலா் ஜெயப்பிரகாசம் உள்ளிட்டோா் உடனிருந்தனா்.

திமுக சாா்பில்... இதேபோல், வேலூா் மத்திய மாவட்ட திமுக சாா்பில் நடைபெற்ற நிகழ்ச்சியையொட்டி, பழைய மாநகராட்சி அலுவலகம் முன்பு உள்ள அண்ணா சிலைக்கு கட்சியின் மாவட்ட அவைத் தலைவா் முகமதுசகி மாலை அணிவித்து மரியாதை செலுத்தினாா். முன்னாள் அமைச்சா் வி.எஸ்.விஜய், முன்னாள் எம்எல்ஏ ஞானசேகரன், திமுக நிா்வாகிகள் உடனிருந்தனா்.

விஐடி பல்கலைக்கழகத்தில் உள்ள அண்ணா சிலைக்கு விஐடி துணைத் தலைவா் சங்கா் விசுவநாதன் மாலை அணிவித்து மரியாதை செலுத்தினாா். இணை துணைவேந்தா் எஸ்.நாராயணன், பதிவாளா் கே.சத்தியநாராயணன், பேராசிரியா்கள், ஊழியா்கள் உடனிருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com